Loluwari Média (Díli) – Prezidente Repúblika (PR), José Ramos-Horta, informa, Nonu Governu Konstitusionál entrega Klinika no Ekipamentu Ambulansia ida ba Palasiu Prezidensial nune’e fasilita Funsinariu Palasiu Prezidensial (FPP) no mos komunidade ne’ebé hela iha area Palásiu Prezidensiál.
“Ita nia Klinika no Ekipamentu Ambulansia ne’ebé IX governu Konstitusionál liuhusi Ministra Saúde, ohin entrega mai iha Palásiu Prezidensiál ne’e buat normal atu fo apoiu ba Funsionariu hotu iha Palásiu Prezidensiál no mos ba komunidade ne’ebé hela besik iha area Palásiu Prezidensiál.” Dehan Prezidente Repúblika (PR), José Ramos-Horta, ba jornalista iha Palásiu Prezidensiál, Nicolau Lobato, Bairro-Pité, Dili, kinta (13/03).
Xefe Estadu hatete, ohin IX Governu Konstitusionál liu-husi Ministra Saúde entrega ekipamentu Ambulansia no Klinika ba Palásiu Prezidensiál atu fasilita no halo tratamentu saúde ba ema ne’ebé presiza urjente.
“Ita destaka Klinika iha Palásiu Prezidensiál no mos ho Ambulansia ne’e atu fasilita ita nia funsinariu sira, no mos ba ita nia komunidade ne’ebé hela besik iha Palásiu Prezidensiál atu nune’e Funsinariu Palásiu Prezidensiál no mos Prezidente Repúblika bainhira moras karik labele ba halo tratamentu iha rai liur tanba ita nia Doutor espesial Kubano preparadu atu fo atendimentu iha Klinika refere.”
“Ambulansia ne’ebé destaka iha ne’e atu fasilita ba funsinariu sira bainhira presiza urjente ruma bele ajuda sira ba iha Hospital.”
“Ita nia Doutor Espesial Kubanu na’in 2 no mos enfermeira na’in 2 ne’ebé destaka iha Klinika Palásiu Prezidensiál hodi halo atendimentu ba FPP no mos ba komunidade sira ne’ebé hela besik bainhira presiza urjente hodi halo tratamentu ba sira nia saúde.”
Diretór Geral, Ministeriu Saúde, Simplicio Amaral de Deus, hatete, Ministeriu Saúde entrega ekipamentu Ambulansia mai iha Palásiu Prezidensiál ne’e pedidu husi Xefe Caza Sivil husi Palásiu Prezidensiál.
“Pedidu husi Palásiu Prezidensiál ami fasilita Ambulansia ida mai atu asegura ita nia sua exelensia PR nia saúde no mos ba funsinariu sira ne’ebé servisu iha PP inklui komunidade sira ne’ebé hela besik iha Palásiu Prezidensiál.”
Jornalista : Chay Risky