Loluwari Média (Díli) – Ministru Defeza (MD), Kontra Almirante, Donaciano Costa Gomes “Pedro Klamar Fuik”, entrega ofisialemente ekipamentu Dormitoriu ba Komponente terrestre, Navál, Aaero Lijeira inklui Unidade Polísia Militár (PM).
“Ohin ita entrega ekipamentus dormitoriu nian ba Instutisaun F-FDTL liliu ba Komponente Navál, Terrestre no Aerea inklui Unidade Polísia Militár, ne’e prosesu tranformasaun instituisaun F-FDTL atu sai moderniza no profisionaliza.” Dehan Ministru Defeza (MD), Kontra Almirante, Donaciano Costa Gomes “Pedro Klamar Fuik” ba jornalista sira, iha kuartel General F-FDTL, Fatuhada, Dili, Tersa (18/03).
Governante ne’e, hatete, ministeriu defeza entrega ekipamentus Dormitoriu mak kama, Esponza, Sumasu no manta rihun tolu ba Instutisaun F-FDTL atu utiliza ho responsablidade ba sira nia nesesidade lor-loron.
“Tranformasaun organizasaun ba F-FDTL ne’e kada Militár husi irarkia topu to’o iha subalternu sira hotu ida-idak tenke hatene kumpri nia dever ho objetivu atu inrekese misaun Forsas Armadas.”
Forsa prepara kama ida hanesan militár ne’e hahan lor-loron nian ne’ebé mak sira iha, maibé iha situasaun ba tranformasaun ne’e dalaruma sira haluha buat ne’ebé importante. Hanesan membru ba organizasaun nian importante liu ne’e organizasaun uma laran nian mak bem estar tanba dezastre Naturais ne’ebé iha 01 Janeiru 2025, inundasaun estraga infra-estrutura Militár nian, tanba ne’e esponza ne’e tama iha planu atu halo akizasaun depois mak halo manutensaun ba edifisiu sira ne’ebé Militár sira hela ba.
“Ita hotu hatene prosesu ba manutensaun ba rejistensia Militár sira nian ne’e importante atu haforsa kestaun moral ba ita nia militár sira atu hare ba sira nia bem estar no sira nia konfortu tanba ne’e mak Ministeriu Defeza halo medida emerzénsia fo fila fali ba militar sira ne’ebé presiza.”
Tanba ne’e Ministeriu Defeza fo uluk fatin dignu toba fatin depois haree fali sira nia kazerna hodi bele hadia ou halo manutensaun tanba ne’e ekipamentus Dormitoriu sira ne’e ba militár sira hanesan atensaun ne’ebé mak irarkia komandu F-FDTL nian inkluzivamente parte Defeza mos haree atu fo atensaun ba bem estar militár sira nia konfortu bainhira sira kumpri misaun ruma iha rai liur.
Xefe Estadu Maiór Jenerál Forsa Defeza Timor-Leste (F-FDTL), Tenente Jenerál, Domingos Raul “Falur Rate Laek”, hatete, apoiu Ekipamentu Dormitoriu husi Ministeriu Defeza ne’e atu moderniza no profisionaliza instituisaun Forsa Defeza Timor-Leste (F-FDTL).
“Ita nia prosesu Dezenvolvimentu Forsa Armada nian, ha’u asume hanesan Xefe Estadu Maiór Jenerál F-FDTL, ha’u define ha’u nia planu estratejiku rua, primeira ita promove kuñesimentu sientifiku no téknolojia ba militar hothotu segundu mak atu profisionaliza no moderniza mak hahu apoiu Ekipamentu Dormitoriu inklui ekipamentus sira seluk.”
“Tinan 24 existensia F-FDTL iha susesu no mos iha difikuldade maibé ho difikuldade no falla hirak ne’e mak atu fo susesu ba instituisaun F-FDTL ba futuru.”
“Ha’u nia agradesementu klean ba Ministru Defeza ho nia estrutura hotu nia apoiu mai ami F-FDTL maske apoiu ekipamentu uitoan maibé ita hakat ba bebeik. Ha’u husu ba Komadante sira atu responsabilidade ba equipamentu Dormitoriu no Ekipamentus sira seluk ne’ebé MD fo mai ita.”
Jornalista : Chay Risky