Loluwari Media (Dili) – Konsellu Imprensa Timor-Leste (KI) hodi hili Prezidente foun atu lidera orgaun relador instituisaun media sira ba periodu 2025-2030, rejultadu votasaun husi membru na’in lima ne’e ema na’in tolu mak kandidatu hodi halo eleisaun hili ema na’in ida atu lidera KI, ikus mai António M.C.M Mali mak eleitu.
Prezidente KI sesante, Otelio Ote, hatete, KI organiza hodi hili Prezidente KI ba periodu 2025-2029, ne’ebé tu’ir mandatu husi estatutu KI artigu 23.
“Ohin organiza eleisaun ba Prezidente KI ba periodu 2025-2029, ida ne’e prosesu ida hala’o tu’ir mandatu da lei no mandatu husi estatutu KI artigu 23, prosesu ne’ebé ami halo tiha ona desde dadersan to’o meudia ami halo prosesu ida ne’e demokrátika teb-tebes, no ikus mai ami rejulta ona Prezidente Konsellu Imprensa foun ne’ebé sei lidera KI periodu 2025 to’o 2029 mak señor António Maria da Conçeição Moniz Mali”. dehan Prezidente KI, Otelio Ote, iha Kintal bo’ot, Kuarta (30/04).
“KI sei halo karta ofisiál ida ba Parlamentu Nasionál (PN) kona-ba rejultadu eleisaun Prezidente KI nian hili membru konsellu Imprensa na’in 5 ne’e hodi hein publikasaun iha Jornál da Repúblika, no sei hein ajenda husi PN hodi fo tomada de posse ba atual Prezidente KI ho nia membru na’in 4 ne’e.
“Hafoin prosesu ida ne’e ami sei hato’o karta ofisiál ida ba PN kona-ba rejultadu eleisaun ba Prezidente KI depois sei públika ba jornál da Repúblika no ikus ita sei iha ajenda husi PN kona-ba tempu atu halo tomada de posse. Bainhira Prezidente eleitu ho nia membru sira na’in 4 simu ona tomada de posse KI atual remata mós nia mandatu husi 2021-2025”.
Prezidente KI, eleitu Cesar M.C.M Mali, agradese ba komisaun organizadora ne’ebé lidera eleisaun ba Prezidente KI no asosiasaun jornalista timor lorosa’e (AJTL), Timor-Leste Press Union (TLPU) no Unidade Profesional Jornalista Timor-Leste (UPJTL) ne’ebé halibur membru sira hodi ta’u fiar ba Cesar António Maria da Conçeição Moniz Mali, eleitu ba lidera (KI).
“Ha’u hakarak hato’o agradesimentu obrigadu barak ba komisaun Organizadora ne’ebé realiza ona eleisaun ida ne’e, ne’ebé mak hili ona ha’u sai prezidente KI, agradese mós ba kolega jornalista sira, liliu asosiasaun jornalista ne’ebé mak mobliza ona sira nia membru atu vota ba ha’u ne’e todan ida la’ós baibain responsabilidade ne’ebé ha’u tenke tula iha ha’u nia kabas ba durante tinan haat nia laran, ida ne’e la’ós papel de’it maibé ida ne’e hanesan kompromisiu ida ne’ebé hamutuk ho ha’u nia kolega konsileiru sira seluk ami tane as lala’ok media nian responsabilidade integridade no mós liberdade Imprensa nian”.
Cesar Mali, promote, sei hamutuk ho nia membru konsileiru sira hodi divulga ba instituisaun sira ne’ebé hakarak divulga servisu jornalista no produtu jornalizmu.
“Ha’u hamutuk ho ha’u nia kolega konsileiru sira hamutuk, halo esforsu maximu atu liberdade Imprensa iha ita nia rai ne’e atinji duni ninia objetivu tu’ir ita nia hakarak, tanba públiku sosiedade merese atu hetan informasaun ne’ebé loos no kredivel no mós tane as normas sira kona-ba jornalizmu ninian”.
KI iha situasaun kritika nia laran, tanba plataforma media online sira agora barak no kompara sira uluk la hanesan era ida mudansa hodi ida-idak loke media online.
“Ha’u sente KI ba tempu ida agora ne’e nia tama iha situasaun ida kritiku liu tanba uluk ita hatene katak media la barak mas ohin loron ne’e plataforma oi-oin mosu, uluk ita iha media hira de’it. Tanba ne’e mak ba oin ne’e servisu KI nian ha’u hanoin kritiku liu tan”.
Cesar Mali, subliña, halo kontinuasaun servisu ba strutura KI tuan rai hela ba atual prezidente no membru sira sai nu’udar fundasaun ida maibé la halo programa foun maibé kontinua programa sira ne’ebé mak iha ona.
Alende ne’e membru KI na’in lima 5 ne’ebé kandidatu na’in 3, Isabel M.F. de Jesus, António M.C.M Mali no Suzana B.R.C. Cardoso, iha votasaun kandidatu primeiru hetan votus 2, segundu hetan votus 2 no terseiru hetan votus 1, nune’e hakat ba segundu ronde ne’ebé kandidatu primeiru no segundu mak avansa hodi halo eleisaun tanba ne’e kandidatu segundu sai vensedor ho votus 3 hodi lidera KI ba periodu 2025-2029
Jornalista. : Anis