Loluwari Meédia (Lautem) – prezidente Autoridade Munisipiu Lautem (PAML), Melio de Jesus, ho nia estrutura akompaña husi administrador postu administrative Lautem halo abertura ba atividade ba Feira Nasional hodi komemora loron restaurasaun independensia 20 de Maiu bad ala 23.
“Ohin ita halo abertura ba feira produtu lokal no non lokal ba ámbitu komemorasaun dia nasionais ba loron restaurasaun independensia 20 de Maiu ba dala 23. Nú’udar yhprezidente autoridade fo ha’u nia apresiasaun ne’ebé bo’ot teb-tebes ba komisaun organizadora nivel munisipal ne’ebé xefia husi sekretária administrasaun finansas nune’e mos ba komisaun organizadora lokal ne’ebé ohin aprezenta nia relatóriu badak kona-ba preparasaun ba eventu loron 20 de maiu ida ne’e”. dehan PAM ba jornalista sira iha postu lautém, segunda (12/05/).
Mélio, husu komisaun lokal no povu Lautém atu asegura feira produtu lokal no loron restaurasaun da independensia 20 de maiu ne’e ho situasaun paz no dame nia laran.
Konsilleru produtu lokal, Benedito dos Santos, sente kontente no agradese ba autoridade munisipiu, postu no suku sira tanba bele loke feira iha postu Lautém bele tuir hodi promove produtu lokal.
“Ha’u agradese ba PAML, APA, no sefe suku sira, tanba sira iha hanoin diak hodi loke feira iha postu Lautém hodi ami bele promove produtu lokal ne’ebé ami rasik halo.”
Benedito haktuir, produtu lokal ami uza material barak hanesan saos tomate botir ida U$ 1.50 centavos, maibé saos tomate primeiru masin midar, ai-lia, ai-manas, lís mutin, lís mean, ai-kanela, maizena, no seluk-seluk tan, ida ne’e mak tau hamutuk sai fali saos tomate maibé tu’ir ninia medida sukat tiha mak tau, ba tais mane U$ 100.00, tais feto U$ 50.00, ortorio U$ 75.00 no produtu sira seluk ninia presu la hanesan.
Na’in ba produtu lokal ne’e afirma, produtu lokal ne’ebé mak sira halo ne’e foin mak fulan 7 ho balu maibé faan ona iha merkadu dala tolu ona no foin primeira vez partisipa feira ne’e.
“Foin tinan kotuk ne’e konta katak foin mak fulan seidauk tinan fulan 7 hanesan ne’e, foin primeira-vez ami mai feira ne’e. Hanesan ami halo ba faan ne’e dala tolu ona”.
Enkuantu ba feira ida ne’e komunidade sira ne’ebé rezistu tu’ir stand ne’ebé mak iha hanesan, iha stand rolet hamutuk 4, stand ba kuru-kuru hamutuk 5, stand ba produtu lokal hamutuk 21 non produtu ida no husi suku ne’ebé mak atu promove nia produtu ida i stand ne’ebé mak iha husi munisipiu hanesan setóres sira hamutuk 7.
Partisipa iha serimonia feira produtu lokal no non lokal ne’e, PAML, Mélio de Jesus ho nia estrutura, APA Lautém, Anacleto Fernandes Xavier, ho funsinariu postu sira, Komandante PNTL eskaudra postu lautém ho membru sira no komunidade sira.
Jornalista : Nono