Loluwari Média (Dili) – Diretór Ezekutivu, Venancio Pinto, hatete, iha intervensaun ne’e liuhusi IX governu konstitusionál ne’ebé hamosu Teknologia informasaun komunikasaun (TIK Timor IP), hodi halo ba sistema jestaun patrimonio estadu nian husik sistema manual ba sistema elektroniku ne’ebé base Teknologia sistema dijital.
“Ha’u nia intervensaun ne’e liuhusi relasiona ho governu elektroniku ne’ebé baibain kuñesidu bolu i-goverment ne’ebé ezize atu halo jestaun ba sistema governu online hanesan transformasaun husi sistema manual ba elektroniku ne’e ho baze transformasaun teknolojia dijital no jestaun administrasaun públika ba ita nia nasaun ne’ebé sei dezenvolve.” Dehan, Diretor Ezekutivu TIC Timor.IP, Venancio Pinto, iha salaun MTK, segunda (24/07).
Governu elektroniku ne’e mós halo esforsu tomak no komprimisiu ba programa IX governu konstitusionál hodi halo modernizasaun ba administrativa liuhusi adesu ba intranet no interrnet iha bem estadu no governu nian iha centru dadus TIC TIMOR.Ip.
Hanesan hakerek ona iha programa IX governu konstitusionál ba tinan 5 nian ne’ebé TIK Timor.IP, ho governu elektroniku koloka ona hanesan pilar ida no save ida ba ajensia no ajendamentu ba dezenvolvimentu nasionál ba tinan 5.
Entretantu ida ne’e la’ós deklarasaun ida maibé ne’e komprimisiu estratéjia ida hodi transforma Teknologia dijital ne’ebé nu’udar instrumentu ida hodi hadia situasaun servisu no hasa’e efikasia governu nian no promove ekonomia sustentavel no inklusivu iha Timor-Leste.
“Ida ne’e la’ós de’it deklarasaun intensaun ida maibé kompromisiu estratéjia ida atu hakuak transformasaun teknolojia dijital nu’udar instrumentu ida atu hadia situasaun servisu hasa’e efisiensia governu nian no promove kresimentu ekonomia inkluzivu no sustentavel”,
Diretor Gerál Interinu ba Administrasaun Finansas, Pascoal Couto de Jesus, haktuir ministeriu transporte no komunikasaun (MTK) ho Ministeriu Finansas (MF) Diresaun Jerál Patrimonio Estadu no TIK Timor.IP, lansa sistema rejistu patrimonio estadu ne’ebé durante halo manual nune’e sei hala’o ho sistema dijitalizasaun ba Teknologia liuhusi intranet.
“Ohin MTK hamutuk ho MF diresaun jerál patrimonio estadu, ita hamutuk ho TIK Timor, ita lansa formasaun ida ba sistema rejistu patrimonio estadu nian, Ho ida ne’e rejistu patrimonio estadu ne’ebé maka durante ne’e ita halo manual, ita sei hala’o ho dijitalizasaun ba hatama iha sistema ida, nune’e ita bele konverte ba sistema JRP ne’ebé maka ministeriu finansas hala’o ho rejistu ba patrimonio estadu nian ne’ebé mak la’o di’ak”, nia argumenta.
Jornalista : Anis