Loluwari Media (Dili) – Autoridade Protesaun Civil (APC) liuhusi Diresaun Xefe Seksaun no Komunikasaun realiza Konferensia imprensa hodi relata dadus semanal kona-ba akontesimentu dezastre naturais iha teritoriu nasional durante semana ida.
Xefe Seksaun no Komunikasaun, Genoveva Fernandes Alves, informa Autoridade Protesaun Civil rejistu kazu dezastre hamutuk (141) iha semana ida nia laran, tanba kauza husi mudansa klimatika ho tipu diferente.
“Iha semana ida ne’e autoridade Protesaun Civil uma estragus hamutuk 27, ema na’in ida mate, lakon 2, anin sobu uma hamutuk 20, rai halai uma ida, rai uma hamutuk 6, priense kriteria hamutuk 20, apoiu emerjensia 7, ema evakua ba fatin seguru hamutuk 5, numeru ema ne’ebé afeita ba dezastre naturais hamutuk 141 ne’ebé akontese iha semana ida nia laran.” Dehan Xefe Seksaun no Komunikasaun, Genoveva Fernandes Alves, ba jornalista sira, iha edifisiu APC, Segunda (14/07).
Nia relata, dezastre naturais ne’ebé akontese iha munisípiu 7, munisípiu Baucau, anin sobu uma 15, rai halai sobu uma ida, Bobonaro ahi han uma ida, Ermera ahi han uma 2, Lautém rai halai sobu uma ida no ahi han uma ida, Liquiça ema mate 1 no 2 lakon no Viqueque anin sobu uma 1 no RAEOA anin bo’ot sobu uma 4, ahi han uma ida dezastre naturais ne’e mosu iha semana ida nia laran.
“Dezastre ne’ebé akontese iha munisípiu 7 inklui RAEOA, iha munisípiu, Baucau, anin bo’ot sobu uma 15, rai halai uma ida, munisípiu Bobonaro ahi han uma ida, munisípiu Ermera ahi han uma 2, munisípiu Lautem rai halai uma ida, no hai han uma ida, munisípiu Liquiça ema mate ida, no na’in 2 lakon, munisípiu Viqueque anin bo’ot sobu uma ida, iha RAEOA anin boot sobu uma 4 no ahi han uma ida, dezastre ne’ebé akontese iha semana ida nia laran”.
Alende ne’e iha munisípiu Bobonaro postu administrativu Balibo, suku Leolima, aldeia Duaderok, iha loron (07/07), Akontese ahi han komunidade nia uma ida, la prienxe kriteria, apoiu de’it emerjensia, munisípiu Ermera, postu administrativu Ermera, suku Humboe, aldeia Hatali, iha 10/07 akontese ahi han komunidade nia uma ida, aat naton iha postu administrativu Railaco, suku Fatuquero, aldeia Palimano, iha loron 10/07 akontese ahi han komunidade nia uma 1. hetan apoiu emergensia de’it tanba uma estadu.” Nia afirma.
Iha munisípiu Lautem, postu administrativu Lospalos, suku Fuiluro, aldeia Bemoris, iha 07/07, akontese ahi han komunidade nia uma ida, la prienxe kriteria apoiu de’it emerjensia, suku Cacavei, aldeia Solepara, iha (09/07), akontese rai halai no estraga komunidade nia uma ida, no tama kategoria aat total no agora daudaun familia sira hela iha viziñu nia uma.
Enkuantu munisípiu Liquiça akontese iha postu administrativu Bazartete, suku Maumeta, aldeia Nartutu, iha (10/07), akontese labarik na’in 3 mout iha tasi nune’e ida konsege hetan maibé is la iha ona no na’in 2 lakon to’o agora la hetan ho vitima Diogo dos Santos ho idade 13 iha tuku 18 liu minutu 20, konsege hetan no na’in ho naran Tiago da Silva idade 10, no Deicino Freitas ho idade 14.
“Munisípiu Liquiça postu Bazartete, suku Maumeta, aldeia Nartutu, iha (10/07) akontese labarik na’in 3 ba hari’is tasi, rejulta labarik na’in 3 mout iha tasi, familia vitima hamutuk ho komunidade hetan fali vitima ho naran Diago dos Santos, ho idade tinan13 iha tuku 18 liu minutu 20. Enkuantu vitima na’in 2 seluk ho naran Tiago da Silva, ho idade 10, ho Deicino Freitas, ho idade 14, seidauk hetan to’o agora.
Iha Munisípiu Viqueque postu Uato Lari, suku Makadique, aldeia Batulari iha (04/07), akontese anin sobu komunidade uma kain ida, aat naton.” Nia informa.
Nia relata, iha RAEOA sub Rejiaun Oesilo, suku Usitaqueno, aldeia Nibin, iha (05/07), viatura kompaña nian estraga komunidade nia uma 1, apoiu de’it emerjensia hetan responsavel husi kompañia refere. Sub Rejiaun Pante Makassar, suku Taiboko, aldeia Ulas no aldeia Nefobai, iha (06/07), akontese anin sobu komunidade nia uma 2, suku Naimeco, aldeia Bonomesse, iha (07/07), akontese anin sobu komunidade nia uma ida. Suku Lifau, aldeia Oemolo, iha (08/07), akontese anin sobu komunidade nia uma ida. Sub Rejiaun Nitibe suku Suni-Ufe, aldeia Cabana, iha (08/07), akontese ahi han komunidade nia uma ida.
Daudauk ne’e komandu Autoridade Protesaun Civil ne’ebé destakadu iha munisípiu no parseiru relevante sira fó ona asistensia emerjensia sasan bazika ba komunidade sira ne’ebé sai vitima ba dezastre naturais iha mós rekuperasaun tu’ir prejudikasaun klase ida-idak nian hodi ezekuta ba andamentu sira tu’ir mai.
Jornalista : Anis