Loluwari Média (Maubessi) – Hospital Referral Maubessi (HRM) ba makina Complete Blood Caum (CBC) hasai ran falla nune’e sei hein makina foun husi nasionál atu fasilita doutora sira hodi hasai ran.
Diretor Ezekutivu, Hospital Referral Maubessi, Virgilio Mendonça, informa, diresaun administrasaun, diresaun asistensia Klínika no diresaun apoiu diagnostiku iha HRM infrenta iha edifisiu, orsamentu, rekursus umanu, Medikamentu no Ekipamentus médiku, nune’e iha rekursu umanu presiza nafatin.
“Prontu ne’e atu hatete hanesan ne’e husi diresaun tolu ne’e ita hatene instituisaun hotu maibé liliu hospital Referral Maubesse, ita ko’alia buat lima iha orsamentu, edifisiu iha rekursu umanu iha medikamentus no iha ekipamentus médikus. Entaun rekursu umanu, ami bele konta hospital ki’ik oan mezmu ami presiza rekursu umanu. Iha fatin balu maibé agora daudauk ita bele dehan la barak la sofre maibé sufisiente para bele halo servisu”. dehan Diretór Ezekutivu HRM, Virgilio Mendonça, ba Jornalista sira, iha nia knaar fatin HRM, segunda (11/08).
Alende iha medikamentu sei iha standar normál nune’e servisu morning report kada loron ho unidade sira halo relatoriu mai iha eskritoriu nune’e hatene iha problema hodi bele atende lalais.
“Medikamentu sei tama iha standar normal, foin daudauk ami iha ne’e servisu ida ami bolu morning report kada loron, kada unidade, kada departamentu, tenke halo relatoriu eskrita mai ha’u nia meza atu ha’u hatene problema ne’e. Entaun ohin medikamentu tama hela standard, tanba 6,2 seluk mais de dez dala ruma problema, mais agora daudauk fulan ne’e durante tinan ida nia laran fulan neen ikus.”
Entretantu iha ekipamentus balu bele halo servisu maibé iha ida mak komplet blat caum (CBC) ne’e atu hasai ran kompletu maibé avaria la funsiona.
“Agora ekipamentus hotu-hotu iha bele halo servisu so ida de’it hodi ami bolu CBC complet Blat Caum ne’e atu hasai ran kompletu nian ne’e maka agora falla hela mais ou menuz nasionál mós hatene. Ami relata tiha ona, hein prosesu para atu fornese fali mai makina CBC iha modelu intrein, iha modelu sendain modelu seluk tan sira tekniku mak hatene liu. Ida ne’e iha nasionál ami konfirma ona ba nasionál ida ne’e mak agora daudauk problema iha ami nia hospital Referral Maubesse” dehan Virgilio Mendonça
Enkuantu durante makina avaria ba pasiente sira ne’ebé hetan moras hanesan bele halo rujukan lalais hodi ba iha Hospital Nasionál Guido Valadares (HNGV) nune’e bele halo tratamentu saúde.
Jornalista : Anis