Loluwari Media (Dili – Banku do Nosso Futuru ((BNF) Halo ona Lansamentu ofisial ne’ebé loke husi Veteranu no veteran sira hodi koa salariu loron ida $1 ne’ebé fulan ida $ 30 nune’e fo kreditu ba Veteranu/a, Timor oan hotu no ba emprezariu sira iha Timor-Leste hodi bele loke konta bankaria iha BNF
Prezidente Konsellu Kombatente Libertasaun Nasional (CCNL), Vidal de Jesus “Riak Leman”, agradese ba IX Governu konstitusionál ne’ebé apoiu makaas ba CCNL hodi hari’i Banku Veteranus ho naran Banku do Nosso Futuru (BNF).
“Agradesimentu bo’ot wa’in tebes ba IX governu konstitusionál ne’ebé fó apoiu makaas suporta Veteranus sira ohin loron bele ofisiáliza Banku Veteranu nian mais Banku do Nosso Futuru” dehan Prezidente CCLN, Riak Leman, iha Comoro eis arte moris, Kinta (04/09).
Alende ne’e Banku Centrál Timor-Leste (BCTL) ne’ebé halo aproximasaun no Komunikasaun ba Consellu Combatente Libertasaun Nssional (CCLN) hodi tu’ir regulamentu ne’ebé Banku Centrál Timor-Leste (BCTL) fo nune’e hari’i duni Banku do Nosso Futuru (BNF) ne’e.
“Agradese mós ba sua exelensia Governador Banku Centrál sempre mantein ligasaun aproximasaun komunikasaun permanente ho konsellu dos Kombatente libertasaun i kriteriu sira ne’ebé mai husi Banku Centrál ami kumpri i ohin loron ita bele hari’i ita nia Banku, Banku do Nosso Futuru”.
Banku do Nosso Futuru (BNF) halo kooperasaun ho emprezariu sira ho entidades internasionál no nasionál hamutuk hari’i Banku atu responde veteranus sira nia ezizensia.
Governador Banku Centrál Timor-Leste (BCTL), Hélder Lopes, hatete, CCLN hetan suporta maximu no atu hetan lisensa husi BCTL, tanba hari’i Banku difisil.
“CCLN fo suporta husi governu sira konsege hetan lisensa husi Banku Centrál, tanba atu hetan lisensa husi Banku Centrál hodi hari’i Banku ida la fasil maibé sira konsege hetan duni” Helder Lopes hatete.
Enkuantu governndor fo kriteria hodi priense nune’e hari’i Banku do Nosso Futuru (BNF) osan, jerente no kreditu ba Veteranu no kliente hotu iha Timor-Leste.
“Iha ne’ebá iha perguntas tolu ne’ebé mak ami husu primeiru ita bo’ot sira iha osan ka lae? Segundu se mak atu jere Banku ne’e? Terseiru Banku ne’e atu halo saida?
“Sira konsege resposta pergunta sira ne’e hotu. Pergunta primeira dehan sira iha osan ka lae sira responde ho fiar an dehan ami iha osan, depois ami cek sira iha osan duni ka lae, sira iha duni tanba iha Timor entermus de instituisaun iha instituisaun tolu de’it maka riku iha Timor ida maka governu, tanba governu iha ninia fundu minarai, rua maka institutu Nasionál Seguransa social, tanba nia iha fundu rezerva seguransa sosial, tolu maka CCLN. tanba nia iha fundu investimentu Veteranus” Lopes esplika.
Governador BCTL, husu hodi tau kapitál minimu ne’ebé tuir rekezitu lei nian maibé Veteranu sira fó liu tanba Veteranu iha osan.
BNF ne’e jerente husi Timor oan Profisional nia atu jere osan Veteranu nian nune’e Veteranu hamutuk ho Profisional atu BNF sai buras liu tan.
“Ami husu dehan se mak atu jere Banku ida ne’e tanba ami duvida Veteranu sira mak jere bele lori Banku ne’e ba dalan ne’ebé ke dala ruma ita la espera. “Ami husu pergunta ida ne’e sira dehan ami sei la jere Banku ida ne’e maibé ami sei fo ba Profisional sira mak jere.
Tanba ne’e maka sira responde ami pergunta ho di’ak sira tau duni ema Timor oan Profisionais sira hodi jere Banku ida ne’e i sira sei kontinua rekruta i espera katak sira Profisionais ne’ebé ke nain Veteranus sira eskolla ona hodi servisu iha BNF. “Ita bo’ot sira bele tau matan ba banku ida ne’e ho didiak hodi nune’e ohin hamrik i sei buras liu tan”.
BNF primeiru kliente ne’ebé loke konta bankaria husi Prezidente da Repúblika Demokrátika de Timor-Leste (RDTL) ne’ebé iha lansamentu Ofisial BNF.
Iha lansamentu Ofisial BNF ne’e lansa husi Primeiru Ministru (PM) Xanana Gusmão, partisipasaun husi Presidente Repúblika Jose Ramos-Horta, Vise PM, Mariano Asanami, Ministru Justisa (MJ) Sergio Hornai, General Reformadu, Lere Anan Timur ho Veteranus sira husi kada Munisípiu no Banku nasionál sira inklui Banku internasionál sira.
Jornalista : Anis