Loluwari Média (Liquiça) – Familia Ema ho Defisiente Matan, Angela dos Santos, konsege simu apoiu nesesidade bazika husi Timoroan Januario Soares.
Nesesidade báziká ne’ebé pessoal, Januario Soares, oferese tanba ba defisiente ne’e ho nia familia, bainhira akompaña nutísia loluwari.tl ne’ebé publika ho nia Títulu Ángela: Ha’u La simu subsídiu husi governu Tanba Laiha Kartaun Eleitorál.
Publikasaun nutísia dahuluk ne’e iha 28 Dezembru 2024 ne’ebé hela iha aldeia Tautalo, suku Hatuquessi postu Liquiça, munisípiu Liquiça.
“Ha’u sente kontente bainhira imi (ekipa Januario Soares,red) lori nesésidade báziku mai ha’u nia uma”, Dehan Defiseinte Angela dos Santos ba loluwari.tl iha nia uma Tautalo, Sabadu (06/09).
Angela agradese ba jornalista Média Loluwari.tl publika nutisia kona-ba nia preokupasaun ikus mai konsege hetan tulun husi sidadaun Januario Soares.
“Maromak haraik saúde di’ak ba maun Januario Soares “Rio” hodi bele kontinua hala’o nia misaun” dehan nia.
Domingos dos Santos Freitas nu’udar Angela nia Aman, agradesementu klean ba Januario Soares, ne’ebé ho laran luak hodi bele fó apoiu nesesidade bázika.
“Ha’u hanesan aman sente kontente no agradese tebes ba oan Januario Soares, ho nia ekipa ne’ebé ho laran kmaan ohin bele hakat mai to’o iha ami nia fatin”.
Iha sorin seluk Januario Soares “Rio” dehan, apoiu ne’ebé ba Defisiensia Angela nu’udar asaun solidariedade tanba haree kondisaun Defiseinte no nia familia moris vulneravel ho distánsia dook husi munisípiu Liquiça.
“Ita nia apoiu ba Defisiente Angela dos Santos, ho nia família ita hanoin nia, maske nia distansia dook atu asesu ba estrada kondisaun grave no difisil ba ema atu ba vizita sira hodi fó apoiu, maibé nu’udar timoroan, sira mós iha direitu hanesan ema sidadaun sira seluk hodi bele hetan apoiu husi ita ohin (sábadu) ita lori nesesidade bazika ba sira” dehan nia.
Nesesidade bázika ne’ebé Januario apoiu mak fos, supermie, Mina, Minuman, inklui ropa no sapatu.
“Bainhira ha’u hetan kliente ne’e ha’u hetan husi Média Loluwari.tl nia Publikasaun iha nia Website” dehan nia.
Rio informa, papel Média importante tebes, tanba bele to’o iha area remotas ne’ebé dalaruma governu mós labele to’o.
Tanba ne’e Januario Soares, koriozu tebes atu ba hasoru komunidade refere tanba nu’udar timoroan hakarak fo liman ba malu maske oituan maibé ne’e husi domin ba sira.
Alende ne’e, ekipa Januario Soares, mós fo apoiu komunidade sira seluk iha suku Hatuquessi ne’ebé presiza ai-han no roupa ba komunidade sira.
Jornalista : Chay Risky