Loluwari Média (Díli) – Peskizador, Fidelis Leite Magalhães, hatete, ohin reuniaun ho Prezidente Repúblika (PR), José Ramos-Horta, ko’alia kona-ba intervista Prezidente Repúblika kona-ba nia peskiza Téknolojia Digital.
“Ha’u ohin intervista sua Exelénsia Prezidente Repúblika kona-ba ha’u nia peskiza ba Doutoramentu nian liliu kona-ba Téknolojia Digital nia impaktu ba konsolidasaun rai ne’e nian no mos ba ita nia dezenvolvimentu Timor-Leste nian.” Dehan Peskizador, Fidelis Leite Magalhães, ba jornalista sira iha Palásiu Prezidensiál Bairo-Pite Díli, Sexta (05/09).
Eis ministru oitavu governu ne’e, hatete, daudauk nia hala’o peskiza ida kona-ba Téknolojia Digital no mos Utilizasaun ba Média Sosial nia impaktu ba Sosiédade nia dezenvolvimentu no konflitu.
“Tanba ita hatene Téknolojia Digital nia impaktu ba dezenvolvimentu no nia impaktu seluk mak hamosu konflitu la’os iha Timor-Leste, de’it maibé iha mundu hotu-hotu, tanba ne’e ha’u nia peskiza iha Timor-Leste no ho Indonésia.”
Prezidente Repúblika lider ida ne’ebé nia konektividade ba Téknolojia nia kuñesimentu barak tebes kona-ba media no Téknolojia funsiona. Fidelis apresia PR nia tempu ba nia hodi ba halo intervista kona-ba Téknolojia Digital.
“Téknolojia Digital esensiál tebes, tanba ha’u haree Timor-Leste, no ba mundu utiliza regulamentu Téknolojia Digital ne’e oinsa ho nia impaktu ba ita nia rai no ba nasaun sira seluk.”
Historia mundu nian fasil tebes ba ema no iha difikuldade bo’ot ba ema atu lembra sasan pasadu nian tanba informasaun menus dadus mos menus. Agora mundu Téknolojia Digital buat hotu iha mundu virtual la sai ona no permanente ona.
Tanba téknolojia Digital halo ema bele haluha malu liu atu hamos informasaun privadu sira iha média sosiál bainhira ema ruma la gosta ema ida nia ba Google hodi buka nia historia pasadu hodi bele hamonu nia dignidade. Tanba ita nia imagen privadu ne’ebé tau iha Facebook ba tinan 30 lia mos sei nafatin iha ne’eba no sai impaktu ba ema bainhira momentu ne’eba nia upload hela nia imagen balu ladiak maibé sei kontinua eziste nafatin.
Jornalista : Chay Risky