Loluwari Media (Dili)-Institutu Nasionál Kombate HIV-SIDA. institutu Públiku (INCSIDA.IP) sei esforsu atu hari’i uma Prostituisaun atu bele minimiza moras sexsuál livre iha Timor-Leste.
Prezidente INSCIDA, Daniel Marçal hatete,INCSIDA.IP sei halo esforsu hodi ko’alia ho Igreja atu oinsa bele iha konseptu ida tanba HIV ne’e perigu ba ema nia vida.
“Ami halo esforsu makas ko’alia ho autoridade liu-liu parte autoridade Relijiaun sira tanba ita iha timor iha relijiaun lima, hanesan Katólika, Protentante, Hindu, Budha no Islam”dehan Prezidente INSCIDA Daniel Marcal ba Jornalista sira iha resintu, INSCIDA Pantai kelapa, Segunda (06/10).
Tuir Nia,moras HIV-SIDA labele husik de’it atu sidadaun sira sexu livre nafatin maibé karik halo fatin própriu ida atu bele evita hodi labele hadaet bebeik.
Tanba atu hari’i iha fatin ne’ebé Institutu Nasionál Kombate HIV-SIDA INCSIDA sei hanoin to’o iha ne’ebá,maibé importante komunidade liu-liu parte igreja hodi konkorda husi parte kultura iha koñesimentu.
“katak buat ne’e la sentraliza no regulariza, ida ne’e perigozu ba ema nia vida,Ida ne’e lá’os INCSIDA nia planu, ne’e ita hotu-hotu haree”dehan nia.
Tanba ne’e Parte INCSIDA nafatin halo sensibilizasaun hodi hamenus Sexu Livre maibé Sexu Livre lao nafatin iha fatin-fatin ne’e fo impaktu boot hodi transmite lalais ba Ema Nia vida.
“Tanba ita ba halo sensibilizaun iha parte ida, maibé atividade sexu livre hala’o nafatin ne’e nia impaktu ba transmisaun boot loos, tanba HIV ne’e transmite maka liu husi sexu livre”dehan nia.
Nia haktuit, atu harii uma prostituisaun ne’e ba ema sira ne’ebé hetan ona moras virus HIV-SIDA ne’e hodi sulan tiha nune’e saude sira bele kontrola no buka ai-moruk atu labele daet ba familia.
“sira hemu ai-moruk ona halo relasaun sexsuál la hada’et, sei la hada’et ba nia len, la hada’et ba nia fen no oan tanba nia hemu tiha ona ai-moruk”dehan nia.
Jornalista : Anis