Loluwari Média (Díli) -Sirkuitu Fiu Eletrisidade lakan afeta ba loja Asean Motor iha kuluhun ne’ebé afeta mós ofisina ne’ebé rabat la konsege salva inklui karreta Lima.
Meneger Loza Asean Motor Pan Tiam Hie Informa, Insidente ne’e akontese maizomenus Oras Tuku 7 liu minutu 40 dadersan atu ba ofisina maibé sirkuitu iha loza laran to’o ikus ahi han mutuk Kareta 5 sasan ofisina nian la salva.
“Hau sente triste tanba ami nia sasan loza nian la salva hotu tanba ahi lakan boot ami tauk halai sai hodi haree kareta lima para hela laran mak ahi han mutuk,hau nia padraun nia liman mos ahin han hotu.” Dehan Meneger Loza Asean Motor, Pan Tiam Hie ba jornalista sira iha Fatin akontesimentu kuluhun, Segunda (06/10).
Nia esplika, sirkuitu ne’ebé akontese ema hotu lahatene tanba hafoin tuku 7 ho balun ahi han mutuk ona loja tanba Staf sira mós seidauk ba.
“Sasan ne’ebé durante iha loja laran ne’e mesak sasan kareta nian de’it tanba ami nia loja ho benkel hadia kareta junta hamutuk”dehan nia.
Traballadór sira ne’ebé servisu iha loza ne’e mesak Timoroan hamutuk nain 22 inklui Ema estranjeiru nain 6 mak durante servisu iha loja refere.
Iha sorin seluk Primeiru Komandante Bombeiros Diego Angelo Bareto Infoma,Membru Bombeirus sira to’o kedas fatin akontesimentu maske iha hela formatura primeiru Isar Bandeira.
“Bainhira ami rona informasaun seidauk los hafoin ami rona informasaun fila-fali husi Radio PNTL ami ho rapidamente sai kedas mai to’o iha ne’e ho rejultadu mak ohin ita hotu hare”dehan nia.
Bombeirus hamate ona Ahi hafoin halo verifikasaun dadus kona-ba sasan sira ne’ebé estragus iha Loja laran.
Nia dehan,insidente ne’e ahi volume boot tanba hafoin lakan afeta lalais tanba iha loza laran Oli, Gazolina, mesin kareta ne’ebé atu salva mós susar.
“Ohin hetan Apoiu bee husi Pertamina, Kompaña, PAX, Saneamentu, UPM, Munisípiu Díli no EDTL mós hamate ahi lalais”dehan nia.
Jornalista : Chay Risky