Loluwari Media (Dili)- Komisaun Funsaun Publiku (KFP) fó kapasitasaun ba kargu xefia sira husi Institutu Nasional Kombate HIV-SIDA (INCSIDA) hamutuk nain 77.
Komisáriu Komisaun Funsaun Públika (KFP), Asuntu Planeamentu Estratéjiku, José Tele Cristovão, hatete objetivu husi formasaun ne’e atu sensibiliza kona-ba Lei funsaun publika nian ba ajente administrasaun INCSIDA nian.
“Iha lei Funsaun Publiku iha rua mak presiza atu hatene mak, inkonsiderasaun no ajente administrasaun publiku mak agora dadaun ita boot sira nia kargu ne’e ajusta ona ba iha eletronik rejime administrasaun publiku nian”dehan Komisáriu José Cristovão iha edifísiu INCSIDA Pantai Kelapa Dili (06/10)
Segundu Nia dehan, mak funsionariu permanete, Lei rua ne’e mak funsaun publiku nia estatutu no Komisaun funsaun publiku rekoñese.
Tuir Nia, funsionáriu INCSIDA sira tama ona etapa rua ne’ebé bele ona tuir formasaun husi funsaun publika nian bazeia ba lei ne’ebé vigora ona iha lei 38/2012 nian.
“Entaun ita-boot sira tama ona pontu rua ne’e signifika ita-boot sira mós iha direitu atu tuir formasaun ida ne’e,lei 38/2012 ko’alia ona kada pessoa ida tinan ida iha diretu 40 oras ba formasaun”dehna nia.
Nia Informa,rejime kargu xefia sira ne’e sei halo avaliasaun dezempeñu oinsá halo avaliasaun ba ajente administrasaun sira bainhira foti prosesu disiplinar no adisionál la loos nune’e bainhira atu hapara ajente ida no mós ba rejime kargu xefia iha Funsaun publiku.
Aleinde ne’e, Sei iha mós rezime formasaun 40 oras ne’e funsionariu publiku iha diretu multa,kargu xefia sira la hetan formasaun tenke ezije sira nia direitu no ezije iha funasaun publiku tuir lei ne’ebé hakerek ona.
“prinsipalmente ita-boot sira tenke hatene aban bairu imi ba reforma karik kalkulasaun osan hira no imi atu sai hira”dehan nia.
Iha fatin hanesan,Prezidente Institutu Nasional Combated HIV-SIDA, (INCSIDA) Daniel Marçal haktuir, formasaun ne’ebé funsaun publiku halo ba ajente sira husi INCSIDA ne’e tamba xefia sira tama hotu ona ajente funsaun publiku.
“Entaun iha direitu no dever atu koñese didiak sira nia servisu no kargu ne’ebé sira iha no servisu ne’ebé mak sira halo lalos ne’e tenke iha duni dezaminasaun edukasaun funsaun publiku ba ajente sira hotu.”dehan nia.
Daniel Marçal espera liu husi formasaun loron lima ne’e bele fasilita funsionariu sira hodi hasa’e sira-nia koñesimentu, liu-liu ba diretor sira no mós kargu xefia sira, oinsá bele lori INCSIDA di’ak liután ba oin.
Prezidente INCSIDA informa katak kargu diretór ho Kargu Xefia ne’ebé tuir formasaun ne’e sira hetan kargu kleur ona no troka pozisaun de’it.
“kargu ne’ebé sira hetan kleur ona no sira troka pozisaun deit maibé sira nia servisu hanesan diretor no hanesan sefe departamentu ne’e lá’os funsionariu foun lae sira ne’e funsionariu antigu hotu, maibé iha tinan hira liu ba kotuk ne’e mak prosesu funsaun publiku ne’e halo formasaun ba diretor no kargu sefe departamentu sai xefe seksaun.” Nia informa
Reprezentante formandu, Natalino Idalina da Costa Leto, agradese ba funsaun publiku ho funsionariu INCSIDA hodi bele hasa’e kapasidade no koñesimentu ba funsionariu sira.
Enkuantu formasaun ne’e sei halao durante loron 5 ba Ajente administrasaun no kargu xefia ne’ebé tuir formasaun refere hamutuk na’in 77, ajente funsaun publiku hamutuk 63.
Jornalista : Anis