Loluwari Média (Díli) – Reitor Universisade Nasionál Timor Lorosa’e (UNTL), João Soares Martins, simu ona relatoriu husi dekanu no mós familia husi estudante ne’ebé deskonfia Dosente ho naran Inisiál MB halo Asédiu seksuál.
Nia dehan,UNTL iha konsellu disiplinar,tanba relatóriu enkamina ona husi vise dekanu no mós informasaun husi familia hato’o ona ba konselhu disiplinar hodi haree.
“Konselhu disiplinar mak sei tetu sasan sira ne’e sei halo enkontru hodi foti medidas,sira sei la husik liu, sira sei foti medidas ne’ebé mak adekuadu ba situasaun ne’ebé mak akontese,Hau espera katak buat ne’e labele akontese (tan) “Dehan Reitor Universisade Nasionál Timor Lorosa’e (UNTL), João Soares Martins, ba jornalista sira iha Kampus UNTL Liceu Kaikoli, Tersa (07/10).
Maibé Nia dehan,buat ne’e babain ona tan ne’e ministru MSSK sempre relembra katak ida ne’e tenke kria ambiente kampus tenke seguru ba estudante hotu.
Tuir Nia,Universisade tenke zero toleransia ba asedu sexuál maibé ema barak demais atividade sira ne’e bele akontese maibé importante iha mekanizmu ba oin oinsa bele hadia.
“Situasaun iha ona konselhu disiplinar sira mak sei halo investigasaun klean.tamba sira labele foti desijaun sei halo investigasaun no iha konselhu disiplinar sei estabelese komisaun instrusaun atu bele halo investigsaun ba kazu ne’e rona mós husi Vitima ho profesor ne’ebé mak alegado ba situasaun ne’e”dehan nia.
Iha altura,Reitór hatete, estudante feto ida ne’ebé sai vítima iha 2021 hamutuk ho nia aman telefone duni Reitor.
“Telefone dunik ha’u no ha’u bolu dekanu altura ne’eba agora eis dekanu ona ha’u dehan katak tenke haree situasaun ida ne’e hau rona dekanu ne’e hato’o ba sira ka lae no ha’u mós hasoru professor matias iha alegasaun ida hanesan ne’e ita bot tenke kuidadu”
“Ne’e situasaun akontese iha ne’eba mós laiha ema ida hato’o relatoriu no eskrita ida mai kona-ba situasaun.” dehan nia.
“Hau nia hanoin katak estudante sira brani hato’o situasaun sira ne’e ker dizer ne’e impaktu pozitivu,karik laiha inisitiva tanba estudante sira tauk atu hato’o”dehan nia.
UNTL iha pro-reitoria provaderia ne’ebé mak sempre enkoraza katak estudante sira hotu se de’it mak sai vitima ba asaun asedu sexuál no inmorál bele hato’o kedan.
“iha mekanizmu atu rezolve situasaun ida ne’e laos akontese husik mamuk de’it ne’e lae.ne’e regras tamba professor ne’e permanente”dehan nia.
Alende MB ne’e mós dosente, entaun situasaun ida ne’e universidade sira labele toma sei enkamina fali ba komisaun funsaun publiku atu bele foti tuir regras komisaun funsaun publiku nian.
Maibé Professor MB ne’e sei tama ka la tama ne’e konselhu disiplinar mak sei deside.
“Hau nia hanoin ita tenke lao tuir mekanizmu ne’ebé mak iha,buat hotu lao tuir investigasaun.kuandu iha rejultadu esperigu dunik ita tenke foti medidas duni atu bele halo suspensaun ba professor refere.”dehan nia.
Jornalista : Chay Risky