Loluwari Média (Díli) – Palasiu Prezidensia Repúblika halo klarifikasaun ba preokupasaun públiku kona-ba bandu dada Bandeira Palestina iha Eventu Dili Internasionál Maratona ne’ebé fó Solidaridade humana ba povu Palestina.
Adjunta Xefe Casa Sivil Henriqueta Maria da Silva Hatete, Prezidente Repúblika, José Ramos Horta Enkoraza Sidadaun Timoroan Bele utiliza Simbolu no Bandeira Palestina nian hodi partisipa iha eventu Dili Internasionál Marathon.
“Ita nia sua Selensia Prezidente Repúblika (PR) iha ona orientasaun ba ema hotu liu-liu mós Atleta no Koridór sira hotu atu bele utiliza Atributu no Bandeira Palestina nian hodi partisipa Eventu Dili Internasionál Marathon nian.” Dehan Adjunta Xefe Casa Sivil Henriqueta Maria da Silva ba jornalista sira iha Palásiu Prezidensiál Bairo-Pite Díli, kinta (09/10).
Nia esplika,PR laos autoriza de’it maibé ekoraza Sidadaun atu utiliza Atributu no Bandeira Palestina nian hanesan jestu ida ne’ebé forte ba Pás no Solidaridade.
Iha momentu eventu ne’e mós PR hakarak afirma TL nia luta ba independénsia nia fundasaun Solidaridade Internasionál mak hamutuk ho povu Palestina.
“ita hamrik hamutuk ho povu Palestina haree koridor sira ne’ebé lori Bandeira Palestina nian ka uza nia kor iha dalan sira iha dili sai hanesan testamentu ne’eb é emosionalmente ba ita nia humanidade ne’ebé fahe ho ita nia esperansa pás ida ne’ebé justu dura.”dehan nia.
Dili Internasionál Marathon,Tuir Nia, ne’e soímbolu ida ba rejistensia no espiritu humanu ne’ebé laiha dalan ida apropriadu liu mak Timor-Leste kanaliza enerjia hodi bolu pás no Solidaridade.
“Ita nia autoridade seguransa Polísia Nasionál Timor-Leste mós sei aumenta tanba ordem hudi Xefe Estadu Autoriza ona PNTL la’o tu’ir Xefe Estadu nian.”dehan nia.
Jornalista : Chay Risky