Loluwari Média (Austrália) – Jogu amizade, ne’ebé realiza iha estádiu Brisbane Australia, ekipa F-FDTL Timor-Leste konsege Rekolla pontu 3 hafoin halakon nia adversariu uma nain ho Skor 3-0.
Iha jogu primeiru Parte bainhira arbitru fo sinál hahú jogu husi ekipa rua ne’ebé antes ne’e ladauk hetan vitoria jogu dahuluk, halo kontra atake ba malu atu hetan rezultadu di’ak hodi lidera tabela klasifikasaun.
Iha jogu dahuluk treinadór sira prepara estratéjia atu rekolla pontu importante, enkuantu ekipa ida-idak joga tuir orientasaun jogu ne’ebé realiza iha Estadiu Brisbane Australia, Sabadu (11/10).
Ekipa F-FDTL koko halo kontra atake makaas ba Forsa Australia ho agresivu, maibé ekipa ne’ebé husi kontinente Asian ne’e mai ho estratejia ne’ebé nakonu ho talentu hodi halo kontra atake, no la fo oportunidade ba F-FDTL Crocodilu atu marka golu.
Nune’e jogu entre ekipa la’o ho tensaun normál, jogador sira halo jogu ho bola husi ain ba ain, hodi buka opurtunidade no liña defeza ekipa adversariu sira nia fallansu hodi aproveita atu bele produz golu ruma hodi muda rezultadu maibé la konsege.
Atmosfera iha estadiu Australia, adeptus atus ba ataus ne’ebé asiste direita iha tribun fo suporta maximu ba ida-idak nia ekipa liu husi, hu korneta, hakilar no haklalak halo estadiu nakdoko.
Apoiu hirak ne’e, halo atmosfera jogu manas liu tan, ekipa F-FDTL Timor-Leste ne’ebé hala’o jogu kontra atake liu husi jogadór liña mediu parte los no karuk, hodi oferse bola barak ba liña avansadu hodi rezultada suta barak maibé seidauk rezulta golu tanba liña defeza Forsa Australia ne’ebé solidu.
Ekipa Forsa Australia liu-husi liña mediu parte loos, kria opurtunidade lansa suta lubuk ida, maibé sei antispa ho di’ak husi gurada rede F-FDTL Timor-Leste.
Ekipa nia forsa kuaze ne’ebé hanesan iha kada liña tanba jogu primeira parte termina la rezulta golu ba ekipa rua.
Hakur segunda parte ekipa rua nafatin halo kontra atake ba malu ho ritmu jogu ne’ebé as liu tan, maibé liña defeza ekipa ida-idak solidu tebes, maibé ekipa F-FDTL Timor-Leste ne’ebé halo jogu agresivu no lansa kontra atake ne’ebé lais hodi lansa sutu iha minutu 48 jogadór Diogo Soares ho numeru kamijola 10 muda Skor ba 1-0.
Husi parte kampu ninin, treinadór husi ekipa rua ida-idak fo orientasaun ba sira nia jagadór hodi bele muda tatiku hodi bele produz golu, hafoin treinadór fo orientasaun ba Jogador sira la to minutu 20 Diogo Soares hetan oportunidade osan mean aumenta tan golu ba 2-0 iha minutu 60 iha segunda parte.
Jogu segunda parte ne’ebé la’o ho tensi jogu ne’ebé as, ekipa F-FDTL Timor-Leste komesa domina bola iha liña meiu kampu, nune’e halo ekipa Forsa Australia susar atu hetan bola, tanba ne’e obriga liña defeza Forsa Australia tenke fera ulun atu bele trava ekipa adversariu F-FDTL Timor-Leste.
Ekipa F-FDTL Timor-Leste konsege kria opurtunidade barak ba Forsa Australia hodi realiza golu iha minutu 65 husi jogadór Diogo Soares hodi muda skor ba 3-0 halo uma nain mentalidade hahu tun no ekipa F-FDTL kontinua kontra atake makaas atu aumenta golu maibé espasu hirak nee seidauk kona alvu, tanba jogador defeza ekipa adversariu la fo opurtunidade ba sira livre halo sutu. To’o segunda parte termina ekipa rua mantein rezultadu 3-0.
Ho rezulatdu ne’ebé iha, provizoriu F-FDTL Timor-Leste lidera tabela klasifikasaun pontu 3 no nia adversariu husi nasaun Australia ekipa uma na’in okupa posizaun ikus ho pontu 0 husi jogu 1 derota.
Jornalista : Chay Risky