Loluwari Média (Ainaro) – Falintil Forsa Defeza Timor-Leste (F-FDTL) iha tinan ne’e deside Munisípiu Ainaro sai fatin Ezersísiu Cobra nu’udar lasu entre ho povu.
Xefe Estadu Maiór Jenerál Forsa Defeza Timor-Leste (F-FDTL), Tenente Jenerál Domingos Raul “Falur Rate Laek” hatete, F-FDTL realiza serimonia Exersisiu Kobra tinan ne’e iha Minisipiu Ainaro ho objetivu hametin lasu amizade entre F-FDTL ho Populasaun sira.
“Ha’u Deklara Ofisialmente abertura ba Ezersisiu Militar kobra Falintil Forsa Defeza Timor-Leste (F-FDTL) ne’ebé tinan ne’e halao iha munisípiu Ainaro, tanba hili munisipiu Ainaro la’os konsidensia maibé munisípiu Ainaro Reprezenta Teatru Opozisaun nian ho valor Estratejiku ne’ebé aas.” Dehan Xefe Estadu Maiór Jenerál Forsa Defeza Timor-Leste (F-FDTL), Tenente Jenerál Domingos Raul “Falur Rate Laek” nia Diskursu iha ambitu Exersisiu Cobra iha munisípiu Ainaro, Segunda (13/10).
Xefe Estadu Esplika Ezersisiu kobra ne’e atu halo treinu iha foho no rai lolon atu koko Forsa Timor-Leste nia abilidade atu halo manobra iha kondisaun krítika.
“Ezersisiu Kobra ida ne’e sai Ezersisiu koridór naturál sira ne’ebé presiza domíniu tátiku no koordenasaun entre unidade partisipante sira”dehan nia.
Tanba pozisaun elevadu sira ne’ebé ideál ba formasaun rekoñesimentu Defeza teritoriál no operasaun kontra área Klima no Jeografia ne’ebé hametin reziliensia no adaptabilidade operasionál.
Hodi iha rekoñesimentu ba Munisípiu Ainaro sai fatin rezistensia heroi sira nia luta,ne’ebé Munisípiu Ainaro sai palku atu persesiona Timor-Leste nia prontidaun militar.
“Hau husu ba Militar sira hotu-hotu Ezersisiu kobra ida ne’e marka tranzisaun kritiku husi teoria ba prátika prinsípiu doutrinariu tátika no estratejia sira ne’ebé estuda iha sala formasaun nian”dehan nia.
Agora,Nia dehan,sei ezekuta iha kondisaun reál ne’ebé aprosima realidade operasionál,Koñeesimentu sira ne’ebé lao ho aplikasaun prátika mak sai esterizu iha Munisípiu Ainaro.
Tuir Nia,Forsa Sira hotu sai válidu Koñesimentu ho nune’e nia ezije rigor másimu iha ezekusaun manobra tátiku iha koordenasaun entre unidade sira no iha manutensaun kadeia komandu no ofisiais sargentu prasa hotu-hotu tenke hatudu imi nia profesiensia iha kada funsaun espesifiku.
“Teória lao ho prátika rejulta buat mamuk tenke prátika lao ho disiplina perigozu tebes tanba ne’e kombina buat rua ne’e ho eselensia hodi sai Militar ne’ebé modernu no Profesionalismu tanba Militár lolos laos deit kaer kilat maibé tenke servi ita nia povu ho fuan ho konsiensia sivika”dehan nia.
Tanba ne’e durante Ezersisiu sei halao asaun kooperasaun sivil no Militar tanba F-FDTL ne’e populasaun nian atu servisu hamutuk ho povu.
Sei iha aktividade,Nia informa, asistensia médika fornese kuidadu saúde ba komunidade lokál, sei apoiu sosiál servisu materiál Esensiál Bázika no Apoiu Umanitáriu hodi hametin lasu amizade entre F-FDTL ho Populasaun sira.
“Ita nia asaun sira ne’e reforsa konfiansa Públiku atu hatudu Militar nia multifunsaun hodi konsolida ita nia papel atu garante ba Defeza Nasionál”dehan nia.
Ida ne’e hotu,Nia informa, mak F-FDTL Vitória estratejiku kada loron mak misaun ida ne’ebé realizadu,tan ne’e husu ba Autoridade Munisípiu Ainaro no populasaun lokál no autoridade Polisiál sira nia kolaborasaun no ospitalidade mak esensiál.
F-FDTL treinu atu proteje povu hotu-hotu hamutuk nasaun forte Veteranus no martires husi munisípiu Ainaro husu populasaun nia tau matan ba Forsa sira.
“Ha’u hein katak momentu hotu-hotu sei presiza desizaun ne’ebé asertadu no asaun hotu-hotu sei sai ezemplar ba Militár hotu-hotu kada pasu ne’ebé imi halo kada vizitasaun ne’ebé imi hetan no kada foho ne’ebé imi liu bainhira imi hetan ita nia populasaun ne’ebé tur iha dalan tau iha imi nia neon katak sira ne’e hotu ida-idak Reprezenta rikusoin protesaun Forsa onra no dedikasaun atu servi no hadomi iha ita nia rai doben Timor-Leste.”dehan nia.
Entretantu Ezersisiu Militar Kobra ne’e ho durasaun Loron 11 iha Munisípiu Ainaro, ne’ebé partisipa husi Forsa Defeza Timor-Leste (F-FDTL) husi Komponente Navál, Komponente Tereste, Komponente Aeria Ligeira husi Unidade Polísia Militár (PM) Unidade Falintil (UF) no Forsa Apoiu Jerál.
Jornalista : Chay Risky