Loluwari Média (Díli) – Ministériu Saúde (MS) halo klarifikasaun tanba Ambulánsia hitu ne’ebé Ministériu sosa sei to’o Timor-Leste iha fulan oin no karreta operasionál ne’ebé Ministériu atu sosa la’os Ministra ho Vise nain rua mak utiliza.
Diretór Jerál Servisu Koorporativus Ministériu Saúde Narcicio Fernandes klarifika,MS deside kansela prosesu aprovizionamentu la signifika atu kansela sosa Ambulánsia tanba karreta operasionál ne’ebé MS sosa laos Ministra ho Vise nain rua mak atu uza.
“Ami deside kanselamentu Aprovizionamentu Laos kansela atu la sosa Ambulánsia lae, Ambulansia mantein ami sei sosa montante hitu ne’ebé sei mai,Tanba ida ne’e mak ami hatete katak informasaun sira ne’ebé mak sai lolos ne’e tenke konfirmasaun antes publika” dehan Diretór Jerál Servisu Koorporativus Ministériu Saúde Narsicio Fernandes ba Jornalista sira liu husi konferénsia Impresa iha Salaun Enkontru MS, Sexta (10/10).
Tuir Nia, MS la kansela sosa kareta maibé prosesu aprovizionamentu foin la’o hela, tanba MS garante katak iha fulan Dezembru tinan ne’e Ambulansia sei to’o iha Timor-Leste.
Iha inísiu 2025, Nia esplika, Ministériu Saúde tau dunik planu ba sosa Ambulánsia multifunsaun no mós karreta operasionál iha momentu ne’ebá.
“Ami loke tender hanesan buat ne’ebé mak ita bo’ot sira hatene katak, prosesu tenderizasaun loke iha momentu ne’ebá, ne’ebé mak ho Ambulánsia no mós kareta operasionál, Iha prosesu sira ne’e ami loke hetan katak iha kompañia aprezenta ho kustu bo’ot liu ho montante planu ne’ebé mak iha”
“Tanba ida ne’e maka Ministériu Saúde deside kansela métodu aprovizionamentu, la’os kansela atu la sosa ambulansia lae, kansela métodu aprovizionamentu ambulánsia mantein sei sosa hotu, ne’ebé mak sei mai,”nia esplika.
Tanba ne’e mak Ministériu Saúde konsidera infomasaun ne’ebé mak sai iha públiku ne’e lalos ka hoax.
“Tanba ida ne’e mak ami hatete katak infomasaun sira ne’ebé mak sai, lolos ne’e tenke halo komfirmasaun antes públika, tanba ambulansia ami la kansela, kansela mak métodu aprovizionamentu”dehan nia.
Tanba haree tempu,Nia informa,MS tenke uza métodu sira ne’ebé mak hafasil sistema, maibé kumpri nafatin regra ho prosedimentu aprovizionamentu ne’ebé mak iha.
“ambulansia nafatin hitu ne’ebé mak sei iha inisia kontínua sei mai, tanba ida ne’e mak kontratu para prosesu sira ne’e, para atu responde ba iha formasaun Sira ne’ebé iha públiku hatete kansela ba iha ambulánsia ne’e lalos”
“Ambulansia nafatin iha, ami so kansela métodu aprovizionamentu tanba atu bele oinsá mak atu ambulansia ne’e bele to’o lalais ho prosesu sira ne’e mak tenke kumpri regra, kumpri prosedimentu no métodu ba aprovizionamentu nian ne’ebé mak tenke kumpri nafatin”dehan nia.
Tanba ne’e Ministériu Saúde la kansela ambulansia, tanba ne’e nesesidade propriu, nesidade prioridade ba iha populasaun ba iha fasilidade saúde sira.
“sei limitasaun ambulansia halo nusa mak ami tenke kansela lae, ne’e la kansela, ne’ebé ha’u hanoin infomasaun klaru ba ita bo’ot sira.”dehan nia.
Kona-ba,Karreta operasional,Nia dehan,Antes ne’e Ministériu Saúde planu kedas atu sosa kareta operasionál besik hamutuk 50.
“Ami planu antes kedas atu sosa, katak kareta operasional Ministériu Saúde hamutuk besik 50, mak ninia diferensia ne’e zero ona, ne’ebé mak la bele ona utiliza”dehan nia.
Maibé MS nafatin uza atu kontínua mellora prestasaun apoiu servisu, tanba ida ne’e mak Ministériu saúde aloka osan mós ba iha kareta operasionál ne’ebé mak iha tinan ida ne’e, lá’os kareta sira ne’e atu troka fali ambulansia lae.
“Kona-ba karreta operasionál ba sé de’it mak uza, tanba karreta operasionál ne’ebé ha’u la temi dehan kareta ne’e mai ba sé, kareta Ministériu ne’e mai ba iha instituisaun Ministériu Saúde”
“Tanba ida ne’e mak ita sosa kareta la’os de’it indika ba ema la’os indika ba ida ne’e la bele, tanba karreta operasionál tantu Ministra, tantu vise sira na’in rua,to’o mai ami dirijente sira uza ba kareta operasionál, tanba ida ne’e mak ita la indika kareta ne’e sosa mai ba António ka Maria, kareta sosa mai Ministériu Saúde no karreta ba servisu operasionál servisu nian.”
“Ne’ebé ha’u la bele estingi ba iha ida ne’e, importante ba ami hakarak klarifika mak ida dehan kansela ba ambulansia ne’e, tanba ambulansia Ministériu Saúde nunka atu kansela”
Tanba ne’e,MS espera katak molok fulan Dezembru kareta ambulansia sira ne’e sei to’o hotu, tanba prosesu tender ne’e la’o hela, kompañia manán na’in iha ona, hein atu prosesu ambulansia ne’e mai.
Jornalista : Chay Risky