Loluwari Média (Díli) – Prezidente Repúblika (PR), José Ramos enkoraza servisu funsioáriu sira ne’ebé iha Sentru Audivizuál Max Stahl Timor-Leste (CAMSTL).
Prezidente Repúblika enkoraza funsionáriu sira maske hasoru dezafiu oioin ne’ebé Saudozu Max Stahl husi hela iha Sentru CAMSTL.
“CAMSTL sai obra inspirasaun no Dedikasaun husi Saudozu Max Stahl nia mensajen sai inspirasaun ba Jovens no Jornalista sira kona-ba Filmazen Dokumentasaun Max Stahl nia obra,ha’u nia parabens ba imi hotu ne’ebé loiál no servisu iha CAMSTL ho difikuldade oioin.” Dehan Prezidente Repúblika (PR), José Ramos-Horta, ba jornalista sira, iha Centru Audivisual Max Stahl Timor-Leste Dili, Sesta (10/10).
PR Horta hatete,palasiu PR odamatan nakloke no sempre apoiu ba CAMSTL tanba sentru ne’e merese sai sentru ne’ebéboot ba sentru Nasionál.
“Sentru ne’e sai Centru Nasionál lá’os de’it onra memoria Saudozu Max Stahl maibé arkivu sira ne’ebé relembra nu’udar historia Timor-Leste nia pasadu ne’ebé nakonu ho Sofrimentu oinoin.”dehan nia.
Tanba Saudozu Max Stahl nia Klamar no nia eransa sai Ezemplu no korajen ho domin ba povu Timor hela ho Saudozu Max Stahl fó inspirasaun ba Timoroan hotu-hotu tanba Saudozu nia partisipasaun iha TL nia luta hodi hari’i estadu Demokratika ida ne’e.
“Saudozu Max Shatl husik ita ho rikusoin boot tebe-tebes labele sosa ho osan tanba ne’e CAMSTL ita kaer metin no hadomi Max Stahl tanba ne’e hanesan lisaun boot ida ba jerasaun hotu-hotu para ita hanoin bebeik ita nia historia luta ba kontrusaun estadu.”dehan nia.
José Ramos Horta Hatete, desde uluk kedas nia sempre ko’alia ba funsionáriu CAMSTL ne’ebé simu todan husi Saudozu Max Stahl nian hodi autorizasaun no kondisaun ne’ebé la di’ak,osan mós nunka sufisiente ne’e merese ema hotu nia apoiu ba sira liu ba CAMSTL.
“Ha’u agradese ba Sira nia Sakrifísiu no dedikasaun tanba Saudozu Max Stahl ne’e ema ida ne’ebé historia iha mundu ne’e ema la hanesan ho nia”dehan nia.
Tanba Saudozu Max Stahl nia kontribuisaun no historiku luta oioin iha mundu,tanba bainhira Saudozu Max Stahl sei moris sempre halo filmagen no Dokumentasaun ba kontrusaun estadu ho pasensia no komitememtu
Alende ne’e, Lolos Governu, Nia dehan, tau orsamentu Millaun ida ba CAMSTL atu halo rehabilitasaun ba Sentru Audivisual Max Stahl Timor-Leste ne’e ho kompletu.
“Laos ha’u nia mandatu para atu deside maibé ha’u mak Primeiru Ministru kleur ona ha’u tau Millaun ida atu halo edifisiu ida ba CAMSTL”dehan nia.
Maibe PR sei haree tanba ohin iha offise Formasaun kondisaun at tanba ne’e kompaña ruma bele halo rehabilitasaun urjente lalais tanba tempu udan mai dadaun ona.
Bainhira to’o tempu udan sasan sei estraga tanba ne’e
“ohin kedas ha’u haree ha’u husu ona ba Staff sira servisu iha ne’e buka kompaña timoroan ruma depois ha’u haree osan selu, ne’e ha’u nia inisitiva”dehan nia.
Bainhira orsamentu ruma iha Prezidensia nian PR sei haree iha galeria orsamentu urjente PR buka kedas iha semana ne’e tanba besik udan ona
Tanba ne’e PR kompromente tenke hadia CAMSTL tanba obra sira iha Sentru Audivizuál ne’e ho esforsu makas atu nune’e ajuda osan ba sira.
Iha fatin hanesan,Diretór Ezekutivu CAMSTL, Eudicitio Pinto, hatete, Galeria Max Stahl no Biblioteca Audivisual iha Sentru Audivisual Max Stahl TL ne’e hodi memoriza Saudozu Max Stahl nia servisu no nia Dedikasaun nu’udar Jornalista no Reporter hodi fo lian ba lian laek sira.
“Iha Galeria ida ne’e ho Titulu Memoria Max Stahl atu valoriza de’it Estudante no bainaka sira ne’ebé hakarak aprende Saudozu Max Stahl nia viagen Moris nian sai hanesan lisaun ida ne’ebé hatutan ba jerasaun sira ne’ebé tuir mai no ba Jornalista sira futuru.”
Tanba ne’e iha Program rua mak Galeria Max Stahl no Biblioteca Audivisual atu fornese historia dijitalizasaun hodi fasilita peskizadór no Estudante sira atu bele asegura materia sira ne’ebé Max Stahl grava no prezerva.
“Saudozu Max Stahl mos dehan bebeik antes nia husik mundu katak rekursu Audivisual sira ne’e bele utiliza ba grupu kurikulum Edukasaun Téknolojia”dehan nia.
Tanba ne’e agora Sentru CAMSTL dezenvolve hela Audivisual ka forma media Acar Sister hodi fasilita ema atu asesu ba prezerva CAMSTL.
Tuir Nia, onra tebes tanba Prezidente Repúblika bele haree liu ba Infraestrutura CAMSTL nian ne’ebé risku ba prezervasaun hanesan Memoria Audivisual bele estraga tanba kondisaun Centru Audivisual ne’e rasik ladiak.
“Prezidente Repúblika husu ami hakarak atu apoiu ba CAMSTL ida ne’e hakarak halo rehabilitasaun”dehan nia.
Nia dehan,CAMSTL mós sei esforsu buka kompaña para atu fó hatene ba Prezidente Repúblika atu nune’e bele hadia Infraestrutura CAMSTL nian ho urjente semana ne’e nia laran.
Entretantu CAMSTL nia rekursu humanu agora seidauk hamutuk 13 ne’ebé servisu iha programa haat mak Servisu hamutuk ho Ministerio Edukasaun, Arkiva Audivisual, Tekniku no Rekoperasaun Memoria ba Munisípiu sira mak entrevista Veteranus sira halo Dokumentasaun no halo historia ba Eskola sira.
Jornalista : Chay Risky