Loluwari Média (Díli)-Relasiona ho kazu ne’ebé oknum Estudante Universidade Dili (UNDIL) ne’ebé halo asaun fíziku hasoru Jornalista Sapnews hein atu hatan iha Tribunál.
Reprezenta Asosiasaun tolu, Portavós Horacio Babo hatete, AJTL, UPJTL, TLPU akompaña Jornalista ne’ebé hetan baku iha UNDIL hodi halo keisa iha Ministériu Públiku (MP) atu bele loke prosesu ba oin.
“Ami nia keixa mai iha MP ne’e ba oknum Estudante Universitariu ne’ebé halo violénsia hasoru ami nia maluk Jornalista husi Media SapNews,ne’ebé ami hein prosesu tuir mai”” Dehan ortavós Asosiasaun Jornalista, Horacio Babo ba jornalista sira iha Ministériu Públiku (MP), kinta (23/10)
Tanba prosesu hotu asosiasaun tolu ne’e hein de’it tanba prosesu justisa nian entrega ona hodi hein atu kompleta tan evidensia balun tanba evidensia Video no no kronologia ne’ebé akontese prepara hotu hodi hatama ba MP.
Nia dehan, lia-fuan fó deskulpa ne’e Jornalista nafatin simu maibé buat ne’ebé krime nian Asosiasaun Jornalista Timor-Leste iha timor hakarak lao tuir dalan legál nian atu nune’e se mak halo krime tuir prosesu krime nian.
“Krime ne’ebé akontese laos ba Jornalista de’it maibé ba kualkér sidadaun sira tenke liu husi prosesu atu nune’e se mak loos no se mak sala hodi ba hatan sala julgamentu iha Tribunál”dehan nia
Tanba kualkér krime,Nia Informa, Estudante halo ne’e hasoru ema tanba Jornalista mós ema, laos Estudante konvida Jornalista sira ba halo kobertura to’o iha terenu Estudante tula fali liman ba jornalista sira ne’e lae tenke prosesu tuir dalan legál.
“Jornalista prontu halo keixa iha MP atu nune’e Estudante bele responsabilidade ba nia aktu neebe sira halo”dehan nia.
Reitor UNDIL husu Deskulpa,Nia dehan,Asosiasaun sira simu maibé kazu nafatin avansa ba oin hodi tuir prosesu legal, atu ne’e autor sira ne’ebé liman kaman bele prosesu nia.
Asosiasaun Jornalista prontu simu hodi rejolve maibé prosesu krime nian tenke la’o nafatin tanba dalan legál no avansa ba oin tanba baku Jornalista ne’e krime tanba Jornalista laos kriminozu.
“Ami husu ba Estudante hotu-hotu liu ba ema hotu-hotu katak Jornalista mak liman ain ba informasaun, fontes ba informasaun ami fasilita informasaun ba publiku no ba se deit ba Estudante no lider sira hotu-hotu ami nia papel atu rekolla informasaun hodi publika ba imi tanba nee ami husu ba imi hotu atu respeita ami nia servisu no fo valoriza ami nia servisu.”dehan nia.
Nia dehan, Asosiasaun Jornalista presiza ema hotu nia respeita ba Jornalista sira no dignifika servisu vokasaun Jornalista nian tenke respeita la’os atu baku Jornalista.
Entretantu kazu baku jornalista ne’e akontese iha loron rua ba kotuk bainhira jornalista sira simu konvite husi esudante UNDIL balu ne’ebé deskonfia Dosente balu kontinua nakar halo asédiu seksuál hasoru estudante feto.
Jornalista : Chay Risky