Loluwari Media (Lautém) – Estudante Universidade Nasional Timor-Lorosa’e (UNTL) Departementu Saúde Animál hamutuk nain 13 remata ona estájiu peskiza durante fulan 4 iha suku Daudere postu administrativu Lautém, Munisipiu Lautém.
Dosente UNTL Departamentu Saúde Animál,orientador Rui Daniel de Carvalho hatete,hahú husi fulan Agostu to’o Dezembro estudante sira konsege remata estájiu peskiza iha suku Daudere.
“Durante fulan 4 estajiadu sira iha ne’e buat lubuk oan ida mak estudante sira kontribui halo iha ne’e,ho programa mak sensus ba animál, halo tratamentu vasinasaun, no mós halo kandang jepit ka manga seluk fali mak halo sosializasaun kona-ba moras sonozis ka moras rabies,” Dehan dosente orientador Rui Daniel de Carvalho ba jornalista loluwari.tl tersa-feira (09/12).
Kona-ba sensus animal,Nia dehan, ne’e estajiadu sira perkore kada uma kain ne’ebé konsege konkista uma kain 294 ho totál animál hotu husi espesies oi-oin 1094.
Ida ne’e mak sira nia dadus hetan kompara ho dadus uluk sensus nasional jeral nian iha uma kain iha uma kain 600 ne’ebé totál animál iha 1650.
“ne’ebe husi sensus ne’e ita hatudu hakarak haree katak iha diferensa uma kain lubuk ida númeru animál nian kuaze atu hanesan”dehan nia.
Dosente ne’e mós avalia hela durante estudante estajiadu no estajiada sira nia prezensa iha suku Daudere, juventude sira suku ne’e rasik haree malu hanesan maun-alin.
Xefe Estajiada peskiza Virna Imaculada Soares reforsa, durante fulan haat sira konsege deskobre komunidade sira nia animál ne’ebé ho
“total animal ne’ebé ami kobre durante fulan ida ne’e ami hala’o sensus husi aldeia ba aldeia sira ba fatin do’ok ne’ebé ke ami ba primeiru. Iha Census jeral ne’ebe ami foti husi karau vaka, karau timur, inan-aman, animal sira ne’ebe ami foti total hamutuk 6199,” Virna relata.
Iha fatin hanesan,Xefe suku Daudere Agito Boavida agradese ba estudante estajiadu sira tanba ajuda ona komunidade sira hodi bele vasina ba animál sira ne’ebé kada uma kain sira rejistu.
“maibe karik atendementu ruma mak ita bo’ot sira a nota katak ladun di’ak simu ita bo’ot sira hasoru ita bo’ot sira husik hela fila-fali mai ami sai lisaun ida no ami aprende husi aat no ba futuru bele halo di’ak ba sira ne’ebé sei tuir mai,” tenik nia.
Entretantu despedida estajiado sira ne’e partisipa masimu husi Administradór Postu Administrativu Lautém Anacleto Fernandes Xavier, Segundo Komandante postu Lautém Orlando da Costa Ribeiro ho nia membro,xefe Suku Daudere Agito Boavida ho nia konsellu suku sira no komunidade suku Daudere.
Jornalista: Alberto Pires
Editor: Herminio Cardoso