Loluwari Média (Díli) – Federasaun atleta Boddy Building Timor-Leste ne’ebé partisipa kompetisaun entre nasaun 42 konsege hetan Terseiru lugar iha Batam Indonesia.
Prezidente Federasaun Boddy Building Timor-Leste, Anastacio da Costa hatete, Federasaun Boddy Building hato’o rejultadu kampionatu mundiál ba Prezidente Repúblika iha Indonézia Batan Atleta Timor oan ida konsege hetan Terseiru lugar hafoin kompete husi nasaun 42.
“Ohin ami hato ami nia rejultadu no mós ami nia prosesu Federasaun Buddy Building nia lalaok ne’ebé ami harii no lori Atleta ba tuir kompetisaun Federasaun mundiál ne’ebé ita nia Atleta hetan 3 lugar iha kompetisaun ne’e rasik.” Dehan Prezidente Federasaun Boddy Building Timor-Leste, Anastacio da Costa, ba jornalista sira iha Palásiu Prezidensiál Bairo-Pite Díli, Sesta (12/12).
Anastacio Esplika,rejultadu ne’ebé Federasaun Buddy Building hetan iha kampionatu Mundiál ne’e lori Atleta nain 3 kompostu husi feto nain 1 no mane nain 2.
Atleta feto ne’e iha Top X no Atleta Mane ida mós ho Top X no mós Atleta mane ida mak konsege hetan Terseiru lugar no lori Medalla mai Timor-Leste.
“antes atu ba ita mós halo kompetisaun seleksaun ba ita nia Atleta sira bainhira see mak sai vensedór mak ita foin lori ita nia Atleta sira ba iha Internasionál no ita konsege Terseiru lugar”dehan nia.
Federasaun Buddy Building ho nia moto (Integridade Igualidade no Transparansia) atu haree ba jovens sira hodi prepara sira sai Atleta ba futuru labele taka ba malu.
“Ita hanesan membru foun ba W-BBF ita lori ita nia Atleta nain 3 nain ida konsege hetan Terseiru lugar ba kampionatu Mundiál ho medalla Browns no ita lori tasa ida mai iha ita nia rain TL”dehan nia.
Maske Federasaun ne’e ho membru ne’ebé foun maibé Federasaun niaAtleta sai vensedor, tanba ne’e Prezidente W-BBF rasik fó apresiasaun ho simbolu trofeu ida mai Timor-Leste no trofeu entrega ba MJDAK.
Tuir Nia,Prezidente Repúblika fó nia apresiasaun ba Federasaun Buddy Building tanba lori Atleta ba tuir kompetisaun Federasaun Buddy Building iha Indonézia Batan ne’e sai hanesan Embaixadór ba Timor-Leste.
PR louva ba esforsu Federasaun nian no PR husu ba Federasaun ba oin bainhira planu ruma karik hato’o antes labele tempu besik liu mak hato’o.
“Ami aranka husi Timor-Leste iha loron 11 fulan Novembru no termina iha loron 17 fulan Novembru no kompetisaun ne’e rasik partisipante husi nasaun 42.”dehan nia.
Atleta Buddy Building Esmeralda Ximenes Sente orgullu tebes tanba reprezenta Feto hodi tuir kompetisaun Federasaun Buddy Building nian iha Indonézia Batan.
“Ha’u sente kontente tebes no agradese nu’udar feto ida reprezenta feto hotu hodi tuir kompetisaun Buddy Building nian iha Batan maske ami nia preparasaun tempu badak liu maibé ami konsege luta no ita nia maluk ida mak konsege hetan Terseiru lugar.”dehan nia.
Jornalista : Cesar Pires
Editór: Herminio Cardoso