Loluwari Média (Díli) – Membru Polísia Nasionál Timor-Leste (PNTL) liu-husi Unidade Korpu Operasaun Espesiál (COE) hamutuk nain 35 sei tuir formasaun anti terorizmu husi Mariña Nasaun Estadus Unidus America.
Komandu Jerál Polísia Nasionál Timor-Leste (PNTL), komisariu Jerál Polísia Henrique da Costa hatete,PNTL liu-UEP Sup Unidade Corpo Operasaun Espesiál (COE) nain 35 hetan oportunidade husi Parseiru embaixada Estadus Unidos Amerika (EUA) Marinas Korpu hodi tuir formasaun ba kontra Terorismu nian.
“Treinu ida ne’e bele fó mós ita-nia oportunidade ba ita nia membru COE sira nian hodi responde ba terorismu,karik hanesan mós ita hatene katak agora dadaun ameasa terorista ne’e laos iha nasaun ida ka rua de’it” Dehan Komjer (PNTL), komisaria Jerál Polísia Henrique da Costa ba jornalista sira iha Unidade Espesial Polisia (UEP) Bairo-Pite Díli, Tersa (03/02).
Tanba bele hatete katak iha nasaun barak terorista ne’e sai hanesan ameasa ida.
Nia dehan,Formasaun durante loron tolu liu-liu ba iha kontra terorizmu nian ka anti terorizmu tanba Membru COE sira ne’e espesializada ba iha ida ne’e entaun sira fó oportunidade ba polísia hodi bele tuir treinu.
Nia dehan, Timor-Leste mós tenke prepara nia kapasidade para atu bele responde karik hanesan ameasa sira ne’e mosu mai iha Terseiru.
Tanba ne’e membru COE sira ne’e hetan ona selesaun husi unidade espesiál para hodi tuir duni formasaun ida ne’e.
“Ita nia membru COE hamutuk 35 mak partisipa iha formasaun ida ne’e ba membru sira ne’e balun hetan formasaun iha rai laran, balun hetan formasaun iha rai liur”
Nia haktuir,formasaun ne’e balu hetan iha Nasaun Australia, Portugal, Indonesia, Malaysia no seluk-seluk tan tanba agora sira hetan oportunidade husi Estadus Unidus Amerika hodi tuir Formasaun Anti terorizmu nian.
Formasaun ida ne’e la’os primeira vez, maibé hahú kedas husi 2018 membru Polísia hetan formasaun ho nivel tolu ba leten no mós ba iha seluk.
“Husu ba membru sira atu aproveita ho didiak sai hanesan fini ba futuru atu nune’e instituisaun bele utiliza”dehan nia.
Agora,Nia dehan,sira hetan ona formasaun ba oin komandu mós haree oinsa para atu nunee haree mós ekipamentu ruma sira bele uza.
Regional Security Officer, Chason Peabody hatete, Ofisiál seguransa nian iha Embaixadór EUA nian marka onra ida atu hamriik iha ne’e no asiste parseria inkrível ida-ne’e nu’udar ofisiál aplikasaun lei federal nian.
No nu’udar veteranu ida hosi Mariña EUA nian, sente hanesan iha uma entre ofisiál polísia sira, soldadu sira, Mariñeiru sira no Mariña sira.
Kursu ida ne’e, reprezenta liu fali de’it instrusaun téknika iha marte,Kompromisu ba profisionalizmu, ba seguransa no komunidade no hametin seguransa ba soberania ekipa Orle nian.
“Iha loron 3 tuir mai, ita boot sei treinu iha peritu nia okos. orientasaun ba instrutór sira Korpu Mariña EUA nian, aprende abilidade sira ne’ebé presiza atu hala’o operasaun sira kontra-terorizmu nian ho seguru”dehan nia.
Nia dehan,Abilidade sira la’ós de’it tátiku, sira estratéjiku iha operasaun hotu-hotu hodi hala’o kontribuisaun sira ba estadu direitu,tanba tour ne’e atividade ilegál no promove estabilidade Rejionál.
Nu’udar parseiru sira, Estadus Unidus orgullu atu hamriik hamutuk ho Ekipa harii konfiansa ida ne’ebé iha kapasidade iha forsa polísia auto-sufisiente, ne’ebé konjuntu abilidade espesializadu hodi mantein komunidade ho seguru.
“Ha’u komprende importánsia mak ita boot halo, Kontra-terorizmu mak serbisu ida ne’ebé difisil liu no ho risku aas liu iha aplikasaun lei, no iha militár”dehan nia.
Ida ne’e,Nia esplika, presiza dixiplina, abilidade julgamentu no Konfiansa, liuliu entre formandu sira nia ekipa. Ida ne’e mós presiza aten-barani morál atu halo buat ne’ebé loos iha presaun nia okos.
“Ita-boot mak reprezenta ita-boot nia nasaun ho integridade,Lori instrutór Mariña, Korpu, obrigado ba fahe ita-boot nia esperiénsia tempu no kompromisu ba Exelénsia”dehan nia.
No ba partisipante sira prepara an. Tanba sei iha loron 3 ne’ebé naruk maibé rekompensativu iha oin formandu sira nain 35 sei asume responsabilidade atu lori ba oin, lisaun sira.
“Ha’u hein atu haree oinsá ita-boot nia abilidade sira kontribui ba ekipa ida ne’ebé seguru liu, forte liu ka menus liu no oinsá ita-boot nia profisionál sira no sei kontinua harii konfiansa ida ba sira-ne’e. Ita-boot iha devér atu proteje.”dehan nia
Jornalista : Chay Risky
Editór : Herminio Cardoso