Loluwari Média (Díli) – Polísia Nasionál Timor-Leste (PNTL) hamutuk ho Ministeriu Interior (MI) sei konstrui postu Polísia no komandu Munisípiu hamutuk 65.
Komandu Jerál PNTL Komisariu Jerál Polísia Henrique da Costa hatete, PNTL, MI ho Teras propriedade hahú deskute hodi haree estatutu rai ne’ebé atu futuru bele konstrui Komandu Munisípiu Edifisiu, Kazerna Eskuadra no postu ba polisia sira.
“ita presiza uniformiza, ita mós presiza haree no indentifika keta fatin balu iha problema karik, depois ita halo kedas kordenasaun terras propriedades atu nunee bele hetan solusaun.” Dehan Komandu Jerál Polísia Nasionál Timor-Leste (PNTL), Komisariu Jerál Polísia, Henrique da Coata, ba jornalista iha Sentru Formasaun Polísia (CFP) Komoro Díli, kuarta (04/02).
Nia dehan, presiza komandu Munisípiu sira fornese dadus Para atu nune’e ekipa Ministériu relevante sira karik hetan ona dadus no iha munisípiu hodi halo verifikasaun, atu haree katak, medida rai ne’e sufisiente ka la too ou to’o hodi halo konstrusaun.
Tuir Nia, bainhira MI tau osan ona atu halo konstrusaun labele iha tan problema ba rai,tanba ne’e husu ba komandante munisípiu sira no unidade sira para tenke aprezenta relatoriu hodi bele entrega ba governu.
Komandante Munisípiu Komandante Unidade sira hamutuk ho teknik Ministériu Interior surfei ba iha postu no eskuadra sira hodi haree ba rai ne’e.
“Ita haree servisu balu lao ona ezemplu hanesan eskuadra sira iha Munisípiu Lautém Postu Loré no iha Munisípiu Ermera hatulia nian balun prosesu lao hela”dehan nia.
Tanba ne’e espera katak, iha tinan 2026 ne’e sira seluk tantu komandu nunisipál sira hahu bele hotu.
Iha Sorin seluk Xefe Unidade Apoiu Tekniku Mimiateriu Interiór Adino Soares Amaral haforsa, kona-ba rai atribuisaun Ministeriu Interior halo koperasaun ho PNTL tanba sira mak nain ba projeitu, implementa mak Ministériu Interior sei implementadór iha projeitu de’it.
“Entaun agora dadauk implementa ona eskuadra 15 kontratu ona falta 50 tan para atu kompleta 65″dehan nia.
Nia dehan, husi Dili postu Cristo Rei, Na’in Feto, Vera Cruz ne’e tipu A ne’e kazerna laiha, bairo polísia fali entaun konta de’it mak 65 postu administrativu ne’e mak 15 iha ona falta 50 tan ne’e kompleta ona.
Nia esplika,servisu ministeriu interior nian mak hahú muda projetu kazerna husi postu mai munisípiu mak mai Nasioná.
“Entaun hadia husi kraik mak sae mai tanba projeitu ne’e ba atendimentu publiku iha terrenu, entaun kazerna agora ne’e tolu iha ona falta restante seluk atu kompleta deit.”dehan nia.
Planu tinan, Nia dehan, ne’e tenke 62 kazerna ho tan eskuadra 50 tenke kompletu tinan ida ne’e, no orsamentu ba ida ne’e tuir lei foun aprovizionamentu.
Labele tama iha Konsellu Administrasaun Fundu Infraestutura entaun husi ekipa Ministeriál ne’ebé iha ne’e duni tempu hodi para priense nune’e tinan oin planu ne’e bele realiza .
“Agora kona-ba bairo polísia hela de’it haat tanba iha kintu Governu nia tempu agora ami atu halo levantamentu rehabilitasaun ba uma no tau kama no klusaun sira ne’e para sira ba tama de’it, uluk sira la tau kama no klusaun.” Nia hakotu
Jornalista : Cesar Pires
Editór : Herminio Cardoso