Loluwari Média (Dili) – Membru komandu Falintil Forsa Defeza Timor-Leste (F-FDTL) liu husi komponente navál hamutuk nain 28 hetan promosaun diviza.
Komandante Komponente Navál, Comodoru, Higino das Neves, husu promovidu sira ne’ebé hetan promosaun atu rekoñese sakrifísiu no dedikasaun ne’ebé kontribui ba Instituisaun F-FDTL liu-liu Komponente Navál.
“Ohin ita asiste fali eventu importante ida iha Komponente Navál ba postu Cabu mós ita sei promove tuir mai, ita mós haree tempu para ita promove sira” Dehan Komandante Komponente Naval, Comodoru Higino das Neves nia Diskursu iha ambitu Promosaun ba Membru sira iha hera, kuarta (04/02).
Nia dehan,agora atu ofisializa promosaun Cabu nian sei hein, tanba komandu sei organiza fila-fali tanba ne’e mak promove de’it ba iha ofisiál no mós ba sargentu sira nune’e komandu sei hato’o mós nia parabéns ba promovidu sira hotu.
“Hau nia Agradesementu no apresiasaun ba membru militar sira ne’ebé mak susesu halo parada Militár iha Aileu ba komemorasaun Loron transformasaun FALINTIL ba F-FDTL”dehan nia.
Nia haktuir,membru sira nia disipliña morál no loialidade no hatudu kontinua no hamorin Komponente Navál iha povu nia matan no mós iha lider sira nia matan kontinua nafatin servisu hakaas an atu bele lori prestizu Komponente Navál ba oin.
Ho promosaun ne’e,Nia dehan, hetan Militár lubuk ida ne’ebé aumenta sira nia diviza no aumenta sira nia responsabilidade hodi kaer Komponente Navál ba oin.
Tanba dekretu lei ne’ebé aprova ona katak, veteranus ne’ebé idade 50 ba leten ne’ebé sei ativu iha F-FDTL ba oin laos ona tropa Militár maibé Militár reformadu ona.
“Ita bo’ot sira hatene ida ne’e siknifika entrega ona kna’ar ida ne’e ba jerasaun foun sira ba sira ne’ebé rejerva besik 20 tanba sira nia naran taka sai ona iha jornal da Repúblika”
Katak komesa ba oin sira reforma no rezerva ona, ba sira ne’ebé mak postu foun ema barak kontente tanba de’it diviza no mós osan.
Dala-ruma, Comodoro ne’e,esplika,aumenta maibé responsabilidade mak boot ne’ebé instituisaun no nasaun fiar ba membru ne’e atu simu kna’ar ida ne’e hodi bele dezenvolve Komponente Naval.
“liu-liu iha area ne’ebé ida-idak nia kompetensia define ona, balun iha area administrasaun no balun komandu nian tanba ne’e promosaun ne’ebé imi simu”dehan nia.
Ho kna’ar ida ne’e,membru promobidu sira asume ho responsabilidade no loialidade respeita no koragen ho ofisiál sira ne’ebé mak komada.
“ita boot sira kontinua respeita malu no mós husu sira nia apoiu hodi hamutuk kompleta malu atu servisu lao ho di’ak”dehan nia.
Komandante ida-idak bainhira aumenta nia diviza iha nia kabaas siknifika nia iha inisiativa barak nia laos hein orden mak nia halao servisu maibé nia mós ema ida ne’ebé iha autoridade atu fó ordem.
“tanba ne’e mak sira ohin simu postu promosaun, ne’e simu pozisaun foun iha responsabilidade makas para iha inisiativa rasik oinsa bele organiza organizasaun ida ne’ebé nia lidera fiar katak Komponente Navál ba oin tuir mehi asuwain sira husik hela”dehan nia.
Entretantu Membru nain 28 ne’e kompostu husi Segundu Tenente, Promove ba Primeiro Tenente hamutuk 11 no Sup Tenente promove ba Segundu Tenente hamutuk nain 9 no Primeiru Sargentu promove ba Sargentu Ajudante nain 6 no Segundu Sargentu promove ba Primeiro Sargentu nain 2.
Jornalista : Cesar Pires
Editór : Herminio Cardoso