Loluwari Média (Díli) – Ró peska ilegál husi tasi sorin indonézia kontinua tama sai illa Timor-Leste nian hodi foti ikan.
Komandante Unidade Polísia Marítima (UPM), Superintendente Xefe Polísia Eugenio Pereira bainhira simu informasaun husi ne’ebé espailla ina sosiál média,ekipa tuun kedan ba fatin ne’ebé lokaliza iha parte leste nian.
“iha momentu hanesan ami halo koordenasaun kedas liu-husi ami nia seksaun K3 indentifika iha área ne’ebé indentifika ba Ró peska ilegál sira”dehan nia ba jornalista sira iha nia kna’ar fatin Lesidere Díli, Sesta (10/04).
Nia informa,Ró peska ilegál ne’e pozisaun iha parte sudeste ho nia lokalizasaun kordenada iha parte sul nian ho nia númeru distansia 92,9 metikal meit ka 172 kilometru ne’ebé ho distansia dook husi TL nia illa Rai maran parte sul nian.
Husi situasaun sira ne’e hotu komandu UPM konsiente ho,toma nia konsiderasaun maske UPM sei iha limitasaun rekursu umanu atu halo kontrolu iha tasi.
“Mesmu ho limitasaun iha ami nia rekursu maibé ami nafatin mantein hodi halao aktividade operasaun nian,ami sei koordena ho parseiru komponente Navál oinsa atu ami bele responde ba situasaun sira ne’e”dehan nia.
Tamba UPM lokaliza ho Servisu koordenada ne’ebé mak UPM iha buka oinsa atu akompaña nafatin aktividade sira ne’e hotu no fizikamente iha Ró peska ilegál nia distansia ne’ebé dook presiza iha planu ne’ebé di’ak tuir rekursu ne’ebé iha.
UPM iha posibilidade atu bele halo atuasaun tanba iha sistema ho lojístika atu nune’e labele hamosu nia risku tanba UPM nia Efetivu ne’ebé sei halao nia Aktividade operasaun ne’e.
Tanba membru sira ne’ebé sei halo operasaun iha mós nia risku tanba ne’e laos iha rai maran tanba jona marítima ne’e Presiza kondisaun ne’ebé di’ak atu bele sustenta membru hodi nune’e operasaun ne’e bele lao ho di’ak.
Maske UPM destaka ona membru sira iha parte Leste suku Com Postu administrativu Lautém Munisípiu Lautém maibé seidauk sufisiente ne’ebé presiza komponente Naval atu reforsa.
” Ró speed boot ida mak iha ne’eba ho lansa rapida ho ita nia Efetivu ne’ebé destaka iha postu refere iha nia posibilidade atu responde, ita mós iha koordenasaun ho parte Navál hodi bele halo operasaun konjunta ba lokalizasaun ro peska ilegál sira ne’e”dehan nia.
Jornalista : Cesar Pires
Editór : Herminio Cardoso