Loluwari Média (Díli) – Ekipa husi Centru Audio Visual Max Stahl Timor Leste (CAMSTL) hala’o sorumutu ho Prezidente Repúblika, José Ramos-Horta hodi konfirma promesa ne’ebé tempu badak sei halo rehabilitasaun edifísiu.
Diretór Ezekutivu (CAMSTL), Edicito Pinto ho ekipa konfirma fali Prezidente ne’ebé antes ne’e hala’o vizita ona haree kondisaun edifísiu ne’ebé kondisaun aat ona.
“Prezidente Repúblika José Ramos Horta rasik haree Ona fatin desentralizasaun Max Stahl agora iha kondisaun ne’ebe aat, Ita iha hanoin hakarak rehabilita Fila-fali sentru ne’e atu bele rai nafatin patrimóniu kultural no mós identidade sira.” Dehan, ba Jornalista sira iha Palasio Prezidensiál Bairo-Pite Díli, segunda (18/06).
Fatin dezsentralizasaun Max Stahl agora iha kondisaun aat tanba ne’e,presiza atu reabilita fali sentru refere atu bele rai nafatin patrimóniu kulturál no identidade nasionál TL nian.
Tanba daudaun ne’e, tékniku sira mós hahú fó ona apoiu ba projetu ne’e, inklui enjiñeiru Flávio Miranda ne’ebé lidera servisu tékniku nian ne’ebé sei servisu hamutuk ho timoroan sira hodi prepara planu implementasaun.
Kompañia balun mós prontu ona atu hahú servisu tanba Prezidente Ramos-Horta simu ona informasaun pozitivu no espera katak implementasaun bele hahú iha tempu besik.
Ekipa CAMSTL husu ona apoiu
ba Prezidente Repúblika, no Prezidente mós halo ona komunikasaun ho parte Governu. Iha ona konkordánsia balun entre parte sira, no daudaun ne’e iha kompromisu pozitivu atu kontinua fó apoiu ba rehabilitasaun.
Jornalista Estajiária : Ivonia dos Santos
Editór : Herminio Cardoso