Loluwari Média (Díli) – Saudozu Fransisco Guterres Lú-Olo, nia mate isin sei haloot besik nia kamarada ka kompaneiru da Luta saudozu Mauhuno ne’ebé hakoi iha semitériu herois da Pátria Metinaru.
Tanba ne’e iha Loron senta-feira,saudozu nia kadavér sei sai husi nia rezidénsia farol dadersan sei ba Comite Central Fretilin (CCF Sigla Portugés),Kontinua ba Kuartel Jerál F-FDTL Fatuhada, Palásiu Prezidensiál no Vizita ikus iha Parlamentu Nasionál hafoin ba Parokia Catedral mak hafoin ba haloot iha Jardim Herois da Patria Metinaro.
” (Saudozu Lú-Olo) sei koi iha level (fatin) as liu iha maun (saudozu) Mauhuno nia sorin,ne’ebé ida ne’e as liu ona mak ida ne’e,tanbasá mak as liu tanba ida razaun forte maka nu’udar prezidente Asembleia Konstituante,respeitu hotu iha ninia prosesu gerileiru iha ai-laran ikus nia nu’udar presidente Asembleia Konstituante”Dehan Primeiru Ministru Interinu Vise-Primeiru Ministru Coordenador Asuntu Sosias no Ministru Dezenvolvimentu Rural habitasaun Komunitáriu, Mariano Assanami Sabino ba jornalista sira iha Rejidensia Maktoban Farol Díli, kuarta (24/06).
PM interiñu hatete,saudozu nu’udar prezidente Asembleia Konstituante ne’ebé primeira vez hakerek iha istória TL nian,maske konstituisaun RDTL bele hadia maibé sei labele repete hanesan saida mak saudozu Lu-Olo halo.
Tanba ne’e husu ba povu tomak katak iha sesta-feira aktividade hotu-hotu para, povu no Estudante husi Pre-Eskolar ate Universidade halo favór hotu-hotu partisipa saudozu Lú-Olo nia funebre to’o iha Jardim Herois da Patria Metinaro.
Tanba governu dekreta ona deslutu ba loron hitu, ne’e tamba Saudozu Francisco Guterres Lú-Olo Heroi no nia Ema Ida ne’ebé esforsu no servisu badinas, servisu ho tempu ne’ebé determinadu nia luta sura labele.
“tanba ne’e ita fo koragem ba familia no Oan kiak katak sira sei la mesak maibé Estadu ida ne’e iha moras atu tau matan nafatin ba sira” dehan nia.
Nia dehan,Saudozu nia mate isin sei la lori ba nia rai moris fatin Ossu tanba tuir lolos governu prepara helikoptru ida hodi fasilita maibé ho situasaun balun mak família rasik deside la ba ba vizita ikus nia rai moris fatin.
Jornalista Estajiada : Monna Ivonia Gracia Almeida
Editór: Herminio Cardoso