Loluwari Média (Ermera) – Ministériu Asuntu Kombatentes Libertasaun Nasionál (MAKLN) realiza seremónia prestasaun ónra Fúnebres Estadu nian bá Restus Mortais hamutuk 5,244 ne’ebé sei haloot Iha suku fatuqueru postu administrativu railako Munisípiu Ermera.
Ministru MAKLN Zil da costa “Oan Soru” hatete,Estadu TL liu-husi IX Governu Konstitusionál komprometidu atu kontinua dignifika no garante rekoñesimentu no valorizasaun bá kontribuisaun Kombatentes libertasaun nasionál sira ne’ebé mate ka lakon iha luta bá independénsia nasionál.
Kompromisu ne’e bazeia bá Konstituisaun Repúblika Demokrátika Timor-Leste (RDTL), Artigu 11 kona-bá Fó Valór bá Rezisténsia, no Estatutu Kombatentes Libertasaun Nasionál, Lei Númeru 3/2006, loron 12 Abríl.
No primeira-Alterasaun bá Lei Númeru 9/2009, loron 29 Jullu, Segunda-Alterasaun bá Lei Númeru 2/2011, loron 23 Marsu, no terseira-Alterasaun bá Lei Númeru 3/2024, loron 12.
Ho nune’e, iha loron 26 to’o 29 fulan-Jullu tinan 2026, MAKLN sei realiza tan “ceremonia de Prestasaun Honras Fúnebres de Estado dos Restos Mortais”, iha Aldeia Palimano, Suku Fatuquero, Postu Administrativu Railaco, Munisípiu Ermera.
Ajénda sira ne’ebé sei realiza mak hanesan, Seremónia Kulturál, Missa no Bensaun bá Urnas, no Haloot Restos Mortais.
Tuir dadus, Restus Mortais ne’ebé atu hakoi iha tinan ida-ne’e hamutuk 5,244 ne’ebé mak konstitui husi Militár 194, no Sívil 5,050.
Husi 5,244 ne’e, Restus Mortais ne’ebé indivídus (ka, konsege halo identifikasaun bá identidade no naturalidade) hamutuk 4,168,iha ne’ebé kompostu husi Postu Administrativu Atsábe 2,798, Postu Administrativu Ermera Villa 234,Postu Administrativu Hatulia 357, Postu Administrativu Letefoho 247, Postu Administrativu Railaco 466, Sein-Postu Administrativu 8, Fora hosi Ermera hamutuk 58.
Enkuantu, Restus Mortais ne’ebé deskoñesidus (la identifika naran no fatin moris), hamutuk 1,076, Sira ne’e mai husi Postu Administrativu Atsábe 271, Postu Administrativu Ermera Villa 65, Postu Administrativu Hatulia 84, Postu Administrativu Letefoho 62, Postu Administrativu Railaco 77, Sein-Postu Administrativu 3, no Fora husi Ermera hamutuk 64.
Totál urnas ne’ebé atu hakoi entre loron 28 to’o 29 fulan-Jullu tinan ne’e, hamutuk 1,600, kompostu husi Atsábe 947, Ermera Vila 126, Hatulia 161, Letefoho 120, Railaco 190, Sein-Postu Administrativu 5, Fora hosi Ermera 51.
Husi Urnas 1,600 ne’e, fahe bá parte rua, mak hanesan; Urnas Koñesidus ho Koletivus hamutuk 1,494 (Atsábe 935, Ermera Vila 110, Hatulia 130, Letefoho 106, Railaco 178, Sein Postu Administrativu 4, Fora husi Ermera 31).
No Urnas Deskoñesidus hamutuk 106 (Atsábe 12, Ermera Vila 16, Hatulia 31, Letefoho 14, Railaco 12, Sein-Postu Administrativu 1, Fora hosia Ermera 20).
Fó lembra fali katak, iha fulan-Outubru tinan 2025, liu-husi “Ceremonia de Presta Honras Fúnebres de Estado dos Restos Mortais”, MAKLN haloot ona Restos Mortais hamutuk 60 iha Jardím Heróis Fuiloru, Postu Administrativu Lospalos, Munisípiu Lautem.
Restos Mortais hirak ne’e, kompostu hosi Filleira Kuadrus Militár hamutuk 25 no Filleira Kuadrus Sívil hamutuk 35.
Iha fulan-Novembru tinan 2025, haloot tán Restos Mortais hamutuk 105, iha Aldeia Karlilu, Suku Ai-teas, Postu Administrativu Manatuto Villa, Munisípiu Manatuto.
Husi númeru ne’e, kompostu husi Filleira Kuadrus Militár hamutuk 10 no no Filleira Kuadrus Sívil hamutuk 96.
Iha fulan-Dezembru tinan 2025, hakoi Restos Mortais iha Likisá hamutuk 50, Kompostu hosi Filleira Kuadrus Militár hamutuk 7 no Filleira Kuadrus Sívil hamutuk 70.
Entertantu, Restos Mortais ne’ebé konsege haloot iha governasaun sira anterior, iha Jardím Heróis da Pátria sira ho númeru agregadu,2024 ho dispozitivu sira mak hanesan tuir mai ne’e;
Hakoi ona restos mortais 672 iha Matinaro, Restos mortais 259 iha Likisá, restos mortais 34 iha Manufahi, restos mortais 70 iha Aileu, restos mortais 479 iha Dubu-Uai, Quelicai-Baucau, no hakoi ona restos mortais hamutuk 510 iha Jardím dos Herois Dara-Mutu Laga (Baucau).
Jornalista : Ercia Freitas
Editór : Herminio Cardoso