Loluwari Media (Dili) – Sekretáriu Estadu Formasaun Profisional No Empregu(SEFOPE), liuhusi Diresaun Nasional Empregu Exterior (DNEE), sei rekruta tan Joven Timor oan sira atu ba servisu iha Australia.
Informasaun ne’ebé Loluwari.com asesu husi Pajina Offisial DNEE-SEFOPE, komfirma, iha 2022, Timor-Leste konsege haruka ona Timoroan sira ba Servisu iha nasaun Vizinu Australia hamutuk 3514.Tanba ne’e Sekretariu Estadu Formasaun Profisional No Empregu, Sei Rekruta tan Joven hamutuk rihun 8 atu ba servisu iha Australia, liuhusi PALM scense, ne’ebé sei hahu rejistu foun iha 6 to’o 17 marsu 2023, liuhusi Online.
“Iha tinan 2022 Timor-Leste konsege haruka ema 3514 ba Australia no iha tinan 2023 SEFOPE iha alvu atu haruka traballadór 8000 ba servisu iha Australia iha PALM Scheme nia okos, ho kontratu ba tempu badak (fulan 6 to’o 9) no ba tempu naruk (tinan 1 to’o 4).” Diretor Geral SEFOPE Paulo Alves Iha Komunikadu ne’ebé asessu kuarta ne’e (1/3).
Hare’e ba situasaun atuál iha base-de-dadus ne’ebé la iha kandidatu naton atu responde ba kriteriu foun PALM Scheme ni’an maka, SEFOPE liu-husi Diresaun Nasional Empregu Exterior (DNEE) desidi loke prosesu selesaun foun atu supplementta SEFOPE Sistema Base Dados ho kandidat kami tidak perlu koresponde ba kriteriu foun sira.
Antes ne’e iha fulan Dezembru 2022, husi loron 13 to’o 31, DNEE loke aplikasaun online foun atu atrai kandidatus sira ne’ebé sente bele responde ho di’ak ba kriteiru ne’ebé husu.
Maibe Iha prosesu ne’e, sistema online konsege simu aplikasaun hamutuk rihun 41 resin.
Hafoin, iha finais Janeiru 2023 ekipa panelista hahú halo screening inisiál hodi avalia aplikasaun sira ne’e, maibé ekipa identifika kestaun kritiku barak hanesan tuir mai:
Aplikante barak maka la konsegue priense kriteria ne’ebé hakerek iha anunsiu taka sai iha website DNEE ni’an.
Aplikante barak maka la kumpriende aplikasaun no fo’o resposta lalos ka la-tuir kriteria sira ne’ebé maka fo-sai.
Aplikante barak maka submete aplikasaun mamuk, Aplikantes barak priense maibé la-kumpleta informasaun obrigatoriu sira hanesan, kriteiru kualifikasaun akademiku nomos esperiensia servisu relevante.
Aplikante barak maka la prense rekisitu tinan minimu atu bele aplika (kiik liu tinan 21).
Durante fulan Dezembru 2022, ita hotu experiensia problema barak ho asesu ba internet ne’ebé afeta kualidade asesu ba sistema apliksaun online no kausa tia ”system crash” iha loron dauluk sira aplikasaun loke.
“Hare’e ba kestaun sira iha leten, ekipa avaliasaun informa ba lideransa SEFOPE katak se’e kontinua ho prosesu ida ne’e DNEE sei la-konsegue hetan kandidatu di’ak naton atu responde ba alvu 8000 ne’ebé estabelese ba 2023, no sei presiza repete fali prosesu foun ida, ne’ebé sei hadau tempu no rekursu barak husi ekipa DNEE atu repete prosesu tomak fila-fali, no pontu importante ida tan, la konsege responde ba kompromisu ho empregadór sira ne’ebé hakarak rekruta agora ona traballador semi-skilled.” Imforma DG SEFOPE iha Komunikadu ne’e.
Nunee, hafoin tetu variavel hotu, SEFOPE hola desizaun atu kansela prosesu selesaun ne’ebe akontese iha fulan Dezembru 2022 no sei loke fila fali prosesu aplikasuan online foun iha tempu badak tuir mai.
“Prosesu aplikasaun sei loke durante loron 10 nian laran, hahu husi loron 6 to’o loron 17, fulan Marsu 2023 ,Ekipa avaliasaun husi SEFOPE ho apoiu husi programa apoiu Australia nian sei responsavel ba halo avaliasaun ba aplikasaun sira husi prosesu foun ida nee, tuir kriteiru no prosesu estabelese ona.” Imforma Diretor Paul. .
Vantajen sira husi prosesu aplikasaun foun ne’e, maka hanesan tuir mai:
Fo’o oportunidade foun no hanesan ba aplikante hotu ne’ebé aplika iha Dezembru 2022 atu submete aplikasaun ho di’ak no ho informasaun koretu;
Iha aplikasuan online sei hetan “text message” ne’ebe sei fo’o esplikasaun klaru no tulun oinsa atu priense aplikasaun online husi pasu ida ba pasu seluk atu aplikante sira bele kompleta informasaun hotu ho didiak.La husik ema ida ba kotuk, tamba hetan difikuldade enxe apikasaun no submete aplikasaun mamuk ka imkompletu;
Ekipa sei asegura sistema hotu funsiona ho diak no responde ba difikuldade ruma karik aplikante sira hasoru durante prosesu aplikasaun liu husi email geral ida ne’ebé ekipa avaliasuan sei monitoriza.
Enkuantu Rezultadu avaliasaun aplikasaun final foun 2023 sei anunsia ba Publiku iha semana hahu loron 10 de Abril 2023.
Jornalista : J’Silva
Editor Texto : Loluwari