Loluwari Média (Díli) – Prezidente Repúblika (PR), José Ramos-Horta, Inaugura Jardin Amizade Repúblika Demokratika Timor-Leste (RDTL) no Repúblika Populár China (PRC) iha Palasiu Prezidensial Bairo-Pite Dili.
“Ha’u husu ba embaixadora Xineza hodi konstrui Jardin Amizade ne’ebé ho tipiku kuñesidu iha mundu ho bonitu tebtebes.” Dehan PR, José Ramos-Horta, ba jornalista sira, hafoin Inagura Jardin Interiór iha Palasiu Prezidensial Bairro-Pité, Dili, segunda (27/01).
Xefe Estadu dehan agradese ba embaixadora Xineza ne’ebé konstitui Jardin Amizade iha Palasiu Prezidensial.
“Ha’u husu ba embaixadora Xineza atu konstrui Jardin ho Au tanba Au ne’e importante ba ekonomia ho nune’e se mak iha plantasaun Au hetan osan fasil tanba mundu hotu-hotu hakarak sosa Au, tanba ne’e desde tinan 10 liu ba ha’u ko’alia ho governu atu tau osan hodi kuda Au.”
Nia dehan prozetu Jardin ne’e kapas loos tanba ne’e PR sei haruka Embaixadora Xineza atu konstrui Jardin iha Galeria Memoria viva (Rejidensia Prezidente Repúblika) no nia mos sei koordena didiak ho Prezidente Autoridade Munisípiu Díli (PAM) bainhira sira konkorda mak foin konstrui jardin ne’e.
“Bainhira ita nia PAM Dili konkorda ha’u mak sei responsabilidade hodi buka finansiamentu hodi konstrui Jardin Xineza ida iha Farol atu nune’e halo ita nia sidadaun furak liu tan.”
Embaixadora Xina, Wan Wenli, hatete, Xina ho Timor-Leste, mak belun di’ak tebes hahú halo Mudansa molok independénsia hafoin independénsia, Xina sira mai iha ne’e hodi kontribui ba dezenvolvimentu sosiál no ekonómiku ba Timor-Leste.
“Ita haree ona Timor-Leste iha istória ida, tan ne’e ita hakarak habelar liután no hametin liután ita-nia relasaun ho Timor-Leste inklui mós iha kultura no ekonomia iha rai laran.”
Jornalista : Chay Risky