Loluwari Média (Díli) – Eis Prezidente Repúblika (PR), Taur Matan Ruak, preokupa kona-ba problema Veteranus, sai politika desmantela lideransa.
“Ha’u nia kestaun ba veteranus sai hanesan polemika bo’ot, ha’u preokupa tanba problema veteranus la’os de’it iha Timor-Leste, maibé iha mundu tomak liliu pais ida ne’ebé dala barak envolve iha konflitu sira.” Dehan Eis Prezidente Repúblika (PR), Taur Matan Ruak, ba jornalista sira, iha Rejidensia Farol, Dili, (29/01).
Taur dehan Problema veteranus sai polemika, nune’e Estadu tenke buka meius atu resolve problema veteranus sira tanba ne’e mai husi mandatu konstrusaun Repúblika nian.
Preokupasaun eis xefe estadu ne’e mosu relasiona publikasaun lista veteranus ne’ebé miniesteriu assuntu kombatentes libertasaun nasional iha inisiu tinan 2025. Ne’ebé veteran barak mak halo protestu ba lista ne’ebé MACLAN fo sai.
Taur dehan iha prosesu luta ba ukun rasik an timor oan sira hahu liuhusi frente Armada, frente diplomatiku no frente klandistina liuhusi sakrifisiu oi-oin maske nune’e nia objetivu atu alkansa mehi povu timor-leste atu kaer rasik kuda tali mak ohin loron said uni realidade Timor-Leste independente.
“Ita nia kazu iha buat tolu mak rekuñesimentu, kondekorasaun no pensaun tanba buat tolu ne’e la hanesan maibé buat tolu sai kontribuisaun veteranus sira iha tempu funu no luta ba Independensia, tanba ita iha frente tolu, mak frente Armada, frente klandestina no frente diplomátika ho sira ne’e hotu mak governu halo politika ba veteranus sira atu nune’e se mak atu hetan no se mak labele hetan.”
“Tu’ir ha’u nia haree problema nia hun mai husi dez organizadu tanba funu bainhira hotu ita desmantela tiha lideransa frente sira ne’e nia no ema hotu halai, Governu hari’i Ministeriu ida para tau matan ba ema sira ne’e maibé Ministeriu ne’e dilema.”
“Subsidiu iha dalan 2 ida hothotu manan no ida seluk balu manan no balu lakon tanba osan la to’o signifika balu de’it mak simu hodi Inventa nia dadus no rekomendasaun husi lider sira atu falsifika dadus hodi hetan subsídiu.
“Dala barak halo diskriminasaun ba veteranus, tu’ir loloos ema ne’ebé nia partisipasaun iha ailaran fulan neen (6) mos ita konsidera nia veteranus maibé agora ita halo diskriminasaun ba veteranus tanba tinan 3 iha ailaran mos la veteranus no sira halo lei para koa tiha nia osan, no uluk joven ne’ebé mate klosan iha funu simu osan agora sira halo lei para joven ne’ebé mate klosan iha funu laran labele simu. Ministru kombatente da libertasaun mak halo lei para sira la simu duni tanba osan la to’o tanba imi haree nia mak halo duni lei hanesan se bainhira la halo hanesan ne’e osan la to’o.”
Molok ne’e minuistru assuntu kombatentes libertasaun nasional (MACLAN), Gil Oan Soru hatete, lista ne’ebé fo sai ekipa verifikasaun nivel municipal halo ona verifikasaun rigorozu no tuir lei.
Jornalista : Chay Risky