Loluwari Média (Díli) – Vise Primeiru Ministru no Koordenador Organizasaun Mundial Komersiu (OMK), Francisco Kalbuadi Lay, informa, ekipa OMK halo avaliasaun ho Prezidente Repúblika (PR), José Ramos-Horta, ko’alia kona-ba Timor-Leste nia preparasaun ba OMK.
“Ohin onra bo’ot ami mai ho ekipa hasoru na’i PR atu hahu halo konferénsia bo’ot iha Centro Convenções Díli (CCD) hamutuk ho Membru governu ONG no mos Universidade sira inklui komunidade sira.” Dehan Vise Primeiru-Ministru no Koordenador Organizasaun Mundial Komersiu (OMK), Francisco Kalbuadi Lay, ba jornalista sira iha Palasiu Prezidensial, Nicolau Lobato, Bairro-Pité, Dili, segunda (10/02).
Kalbuady hatete, Timor-Leste tama iha membru permanente organizasaun mundial komersiu (OMK) okupa numeru 166, tanba tinan barak Timor-Leste nia esforsu sai rejultadu mak TL sai membru OMK.
“Ita nia Prezidente Repúblika agradese tebes ba servisu ne’ebé durante tinan barak ita nia ekipa halo tanba Timor-Leste tanba iha Membru OMK ho lalais liu iha mundu ho tinan hitu (7).” Nia afirma.
Durante ne’e Timor-Leste liuhusi nia ekipa tekniku sira esforsu makaas atu sai membru OMK atu hetan benefisiu saida de’it iha organizasaun refere ba ekonomia nasaun foun ne’e.
“Ita nia Prezidente Repúblika kongratula OMK tanba durante ne’e ekipa OMK halo tanba TL okupa ho numeru 166 tanba antes ne’e TL okupa numeru 165 tanba nasaun barak mak esforsu to’o tinan 20 maibé seidauk tama ba membru OMK tanba seidauk priense rekezitu.
Vise-Diretor Geral Organizasaun Mundial Komersiu (OMK), Xiangchen, hatete ida ne’e nu’udar esforsu ida ne’ebé mak ekipa sira halo ho nia kolega sira haksolok atu vizita ekipa ikus liu ho eventu nivel. Husi extensaun pós laek ekipa OMK.
“Molok ha’u mai horseik, ha’u nia kolega iha ona loron balu iha ne’e. atu servisu ho kolega sira husi lista ekipa nian kona-ba kestaun tékniku sira. Entaun ohin ita sei hahú eventu nivel aas ho ajénsia internasionál, mak ofisiál superiór ida kona-ba implementasaun OMK nian.”
“Ami hakarak aproveita opurtunidade ida ne’e atu ajuda lista ekipa nian hodi maximiza benefísiu husi integrasaun iha Sentru Formasaun multinasionál. Ami mós hakarak aproveita opurtunidade ida ne’e atu komunika ho parte interesada sira husi liña tempu sira, husi setór privadu, no komérsiu bele ajuda. nasaun ne’ebé mak sei dezenvolve hela.”
Jornalista : Chay Risky