Loluwari Média (Díli) – tersa feira ne’e Madre, Guilhermina Marçal, hala’o sorumutu ida ho ho xefe estadu hodi informa situasaun atual ba prezidente republika foka liu realidade moris kona-ba kualidade edukasaun ne’ebé sai nu’udar preokupasaun ba publiku.
“Ohin ha’u mai hasoru ho ita nia Prezidente Repúblika (PR), José Ramos-Horta, ko’alia kona-ba realidade moris no edukasaun rai laran nian atu ita bele dezempena ita nia edukasaun ho diak ba futuru.” Dehan Madre, Guilhermina Marçal, ba jornalista sira, iha Palasiu Prezidensial, Nicolau Lobato, Bairro-Pité, Dili, tersa (11/02).
Guilhermina, hatete, atu hadia kualidade edukasaun presiza fo formasaun ba professores sira nune’e bele investe edukasaun ho kualidade aas iha futuru.
“Ita presiza atu hadia kualidade edukasaun no formasaun ba Professores sira liliu oinsa mak investe diak liu tan ba ita nia professores sira.”
Joven ba nasaun nia futuru mak labarik sira, tanba ne’e mak tenke eduka no forma sira halo diak atu sai futuru ne’ebé diak. Nia afirma.
“Edukasaun ne’ebé dezempena ema hotu nian tanba ne’e ema ne’ebé bele iha osan barak maibé ha’u pessoal ha’u dezempeña ha’u nia an didiak ne’e laiha aproveitamentu. Tanba ita falta domin ba leitura oinsa atu le barak.”
“Atu le barak la’os atu halo leitura ka kuñesimentu iha rai laran maibé internasionalmente ohin loron ita uza teknolojia, ita sai matenek no uza ho responsablidade ho maturnidade oinsá ita bele eskolla.”
“Ida ne’e katak riku iha ita nia kuñesimentu nu’udar parte ida buat hotu akontese iha mundu hotu-hotu hola parte tanba mundu ohin loron santu padre dehan uma ida de’it.
Jornalista : Chay Risky