Loluwari Media (Díli) – Prezidente Repúblika (PR), José Ramos-Horta, sexta feira ne’e ofisialmente lansa Voú dahuluk aviaun marka Aero Díli ho destinasaun Dili-China.
“Ha’u nia agradesimentu no apresiasaun ba governu Timor-Leste no governu Xina hodi asina akordu hodi loke opurtunidade ekonómiku, halo mos promosaun ba kultura hodi hametin liu tán ita nia kooperasaun bilateral. Tanba Voú ida ne’e ba dala 4 no sei aumenta ba dala 8 tanba parseiru Aero Díli iha Xina hahu preparasaun integra Dili ba Bali ho Turizmu Rejionál.” Dehan PR, José Ramos-Horta, ba jornalista sira iha Aeroportu Internasionál, Nicolau Lobato, Comoro, Dili, sexta (14/02).
Xefe Estadu hatete, Kompañia Aero Díli, sei transforma Dili halo konetividade ba Bali, Darwin, Melbourne, tanba ne’e husu governu atu hadia Aero Portu ba nivel Internasionál.
“Ha’u nia parabéns ba kompañia Aero Díli, tomak no mós ba staf hotu liliu ba señor Lourenço Olivieira, nia ema ida ke mehi no iha vizaun la tauk, halo bele iha risku maibé nia brani halo no mós nia Timor oan ida, ha’u orgullu, nia hanesan patriota duni tanba nia hatudu nia dedikasaun no komitmentu ba inisiativa ida ne’e.”
Xefe Estadu kleur ona rekomenda ba governu ba negósiu kompañia Aero Díli, la’os fasil maibé kompetetivu teb-tebes tanba TL nia geografia la hanesan ho nasaun sira seluk.
“Ha’u rekomenda ba governu atu apoia investimentu setór privadu, ne’e importante ba ita nia konetividade ekonómiku, hodi dada benefísiu mai Timor-Leste, hodi garantia 30 pursentu (30%) fatin Voú, bainhira ita nia Aeroportu sei nune’e di’ak liu lalika karega taxa ba ita nia Airline.
Embaxadora Xina Wang Wenli, hatete, ida ne’e nu’udar momentu istóriku tanba desde estabelesimentu relasaun diplomátika entre Xina-TL, fasilitasaun Voú direta sei habadak tempu no distansia espasu entre nasaun rua, hateke ba future, hein katak nasaun 2 ne’e bele utiliza Voú direitu hanesan ligasaun ida hodi aprofunda, kooperasaun, iha kampu oi-oin. No dudu parseria estratéjiku komprensivu entre Xina-TL ba nivel foun ida.
“Ha’u hakarak hato’o ha’u nia agradesimentu klean ba prezidente Repúblika, José Ramos-Horta, tanba Xina no Timor-Leste. Nasaun iha Pasífiku, maske ita iha geografikamente, haketak husi Tasi. Ami iha tradisionál ne’ebé kleur ona no iha kontaktu sira ne’ebé luan no besik, no kooperasaun iha área Polítika, ekonomia, komérsiu, kultura, agrikultura, no seluk tan.”
Xina no Timor-Leste uluk asina akordu relasiona ho transporte Aéro Sivíl. Durante fulan 6 liu ba ho promosaun kontinua husi Embaxada Xina iha TL, ho esforsu hamutuk no kooperasaun besik entre ita nia autoridade Aviasaun, Xina-TL solidamente implementa. Konsensu importante ne’ebé hetan husi PR hodi promove ho efisiente. Operasaun ofisiál husi Voú direitu entre Xina no TL.
“Kontinente Euro, Ázia no Timor-Leste ba dala uluk iha istória. estrada aérea mós reflete dezenvolvimentu ne’ebé di’ak husi ita nia relasaun bilaterál, interkámbiu nivel aas, kooperasaun ekonómiku no komérsiu. Atu truka ema no dezenvolvimentu turizmu entre nasaun 2.”
Karakterístika kulturál ne’ebé furak no úniku, ne’ebé atrai númeru bo’ot ida husi turista Xineza sira maibé, transporte ne’ebé la konveniente dala ida. Difikulta sira atu halo viajen, mai TL ho aviaun direta. Ohin hari’i ponte aérea entre Shaman no Díli ne’ebé sei promove tebes dezenvolvimentu natar ida hanesan trata investimentu turizmu no edukasaun entre nasaun 2.
“Ami hein atu haree, dezenvolvimentu turizmu nian sei funsiona mós dezenvolvimentu rigorozu ba restaurasaun, akomodasaun no Indústria sira seluk. Iha TL transforma fluxu pasajeiru aumentu ekonómiku. Ami benvindu atu promove kafé ho kualidade aas ida ne’e uluk no hahan tasi nian atu tama ba merkadu Xineza nomos produtu oioin mós sei apoia dezenvolvimentu no prosperidade dezenvolvimentu ekonómiku no sosiál TL.”
Diretór Kompaña Aero Díli, Lourenço de Olivieira, agradese ba governu Xineza, tanba simu vou dahuluk Aero Díli, ho objetivu viajen Díli-Xina.
“Ha’u agradese tebes ba governu Xineza tanba bele simu ami nia vou dahuluk Díli ba Xina. No ha’u nia agradesimentu bo’ot ba Na’i Prezidente Repúblika, José Ramos-Horta, ne’ebé ohin mai ofisialmente lansa voú dahuluk Aviaun Aero Díli daruak nian ne’ebé hala’o viagen husi Dili ba Xina, no mos ami bele fo servisu ne’ebé diak ba ami nia pasageirus sira.”
Ministru Transporte Telekomunikasaun (MTC), Miguel Manetelo, hatete, lansamentu Primeira Voú Aero Díli husi Dili ba Xina ho inisiativa ida importante tebes. Timor-Leste nia historia tanba TL haluha nia konektividade international entre Timor ho Xina no mos Indonésia, Singapore inklui Malaysia.
“Nonu governu konstitusionál fo importánsia ba setór Transporte, tanba nu’udár pilar importante ida ba dezenvolvimentu ekonómiku nasaun nian, tanba ami nia papel mak atu kria kondisaun kresimentu ekonómiku hadia no aumenta sirkulasaun ema no sasan tu’ir vizaun ne’ebé ho nia planu estratejiku dezenvolvimentu.”
Transporte Aéro Díli, sai nu’udar save ba movimentu ema no sasan tama no sai, sei ajuda dezenvolvimentu turiztika, komisariu no nivel sira seluk. Governante ne’e subliña.
“Ami sei esforsu atu kria kondisaun atu aumenta voú regular ho opsaun barak, inisiativa ohin hanesan inisiativa setór privadu nian rasik maibé ida ne’e esforsu kolektivu ida entre setór privadu no publiku.”
Jornalista : Chay Risky