Loluwari Média (Díli) – Prezidente Komisaun, Komandante Administrasaun Superintendente Xefe Polísia, Natercia Eufrazia Martins, hatete, Marcha Movimentu Orden Unidus sai mos nu’udar modalidade ba aniversáriu Polísia Nasionál Timor-Leste (PNTL) ba dala 25 ho tema.
“Ita nia objetivu husi Marcha Movimentu Orden Unidus ne’e sai hanesan Motivasaun ida ba estudante sira tanba dala barak problema mosu ema hotu sempre dun ba estudante sira mak na’in ba problema.” Dehan Prezidente Komisaun, Komandante Administrasaun Superintendente Xefe Polísia, Natercia Eufrazia Martins, ba jornalista sira, iha Largo Lecidere, Díli, sexta (21/02).
Natercia hatete, Marcha Movimentu Orden Unidus ne’ebé envolve estudante sira atu bele hanorin Disipliña hodi kria paz no estabilidade iha sira nia Eskola ida-idak no mos ba komunidade.
“Ho tema ne’ebé ita iha “Hamutuk ita hametin konfiansa” Tanba ne’e komandu Jerál PNTL konsidera Marcha Movimentu Orden Unidus ne’e importante tebes atu envolve ita nia estudante sira hodi hanorin Disipliña no Orden atu kumpri espiritu nasionalizmu hanesan foinsa’e atu motiva estudante sira hodi prepara joven ne’ebé ba futuru.”
Preparasaun ba Marcha Movimentu Orden Unidus ba estudante ne’ebé diak presiza tempu maibé tempu limitadu liu. Maibé bainhira atu performa marsa Unidus ne’e presiza tempu. Tanba kada Movimentu Marcha Unidus presiza estudante sira nia intendimentu atu nune’e sira bele kumpri mos ba komandu atu halo Movimentu maibé tempu semana rua de’it la maximu.
“Tu’ir ami nia haree preparasaun ba ita nia estudante sira ne’e ladauk maximu. Maibé ohin provas katak ita nia estudante husi sanulu resin ida ne’e ho orden Unidus ne’ebé diak no ida ne’e atrai ita nia avaliador sira ho ita nia estudante sira nia disipliña no Unidade rona vos komandu sira entende hodi halo tu’ir tanba ne’e mak ita eskolla eskola 4 sai primeiru lugar segundu lugar terseiru lugar no kuartu lugar.”
Estudante tuir Marcha Movimentu Orden Unidus ne’e hamutuk 11 mak St. Judde Thanddeeus, Café Díli, 10 Dezembru, An-Núr, 12 Novembru, Kristal, 05 de Maio, São Pedro, São Miguel, Nobel da Paz no Canossa no Eskola Canossa sai 1° Lugar Eskola 12 November sai 2° lugar no Terseiru 3° lugar husi Eskola St Judde Thanddeeus no Kuartu lugar mak Eskola Café Díli.
Reprezenta Estudante Eskola Canossa, Vanesca Correia, hatete, Marcha Movimentu Orden Unidus ne’e nia tempu limitadu tebes ba Eskola sanulu resin 11 maibé ho sira nia pasensia ho esforsu hodi hatudu estudante sira nia disipliña iha eskola atu nune’e jovens la’os autor ba kriminozu maibé jovens sai autor ba dame no paz iha komunidade nia le’et.
“Ha’u sente kontente tebes ba Marcha Movimentu Orden Unidus ne’e tanba ita nia Autoridade Seguransa PNTL bele envolve ami estudante husi Eskola keta-ketak maibé ho Marcha Unidus ami bele kria Unidade paz ba iha eskola no mos iha komunidade nia le’et.”
Jornalista : Chay Risky