Loluwari Média (Kovalima) – Prezidente Repúblika (PR), José Ramos-Horta, hatete, ohin hala’o atividade prinsipál iha munisípiu Kovalima mak apoiu benefisiáriu ema kbi’it laek no mós, ema ho difesensia sira nu’udar asaun karitativa iha tempu kuarezma ba komunidade ne’ebé presiza ema hotu nia tulun.
“Ita nia apoiu ba komunidade ema ho difesensia sira no mós ba ema kbi’it la’ek sira iha aldeia, suku, postu administrativu no munisípiu Kovalima ne’e hanesan asaun karidade ne’ebé ita fo ba komunidade sira ne’ebé presiza ita nia tulun.” Dehan PR, José Ramos- Horta, ba jornalista sira, iha Resintu administrasaun munisípiu Covalima, kuarta (26/03).
Nesesidade baziku sira ne’ebé Xefe Estadu fo Apoiu Fós, Mina, Manu tolu, no mos ropa ne’ebé apoiu husi Embaxadór Japaun no Corea.
“Ohin ita halo apoiu karitativa ba ita nia komunidade ho Defisiensia no mos ba ema kbi’it la’ek ne’e hanesan asaun karitativa iha tempu kuarezma nian ba ita nia komunidade sira ne’ebé presiza ita nia tulun.”
Administrador postu administrativu Suai Villa, Idelfonso Maria Amaral, hatete, ohin halo asaun karitativa fahe nesesidade Baziku ba komunidade kbi’it laek no mos ba ema ho difesensia iha munisípiu Covalima ne’e nu’udar asaun karitativa ba komunidade vulneravel sira.
“Ha’u nia agradesimentu ba PR ne’ebé ohin apoiu nesesidade baziku ba ita nia komunidade ema ho difesensia inklui ema kbi’it laek ho total hamutuk 150 ba postu Suai no aban mak kontinua ba postu sira seluk.”
Idelfonso mo husu lider komunitariu sira atu rekolla dadus ba ema ho difesensia no mos ba ema kbi’it la’ek kada suku ema Defisiensia no vulneravel 30 no suku 5 iha postu Suai hamutuk mak 150.
“Ha’u nu’udar administrador postu ha’u nafatin servisu hamutuk ho autoridade lokál sira atu nune’e nafatin rekolla komunidade ema ho defisiensia inklui vulneravel sira atu hetan hotu asun karitativa husi ita nia PR ne’e nu’udar asaun karitativa iha tempu kuarezma.”
Komunidade Ema ho Defisiénte, Armindo Amaral, agradese tebes ba PR ne’ebé iha tempu kuarezma halo karidade ba ema ho defisiensia no mos ba ema kbi’it la’ek sira iha munisípiu Covalima.
“Ha’u agradese tebes ba ita nia PR ne’ebé fo nia apoiu karitativa mai ami iha tempu kuarezma nia laran, ami ema ho defisiente ami halo buat ruma ladiak maibé nai Prezidente hadomi ami fo nia karidade mai ami fo hahan no mos ropa ne’ebé nai Prezidente iha ha’u fiar katak ita nia nai Prezidente sei fo ba ema difesensia no mos ba ema ho kbi’it la’ek sira ne’ebé seidauk hetan.”
Ema ho vulneravel Evangelina Gui, sente kontente tebes ba Prezidente Repúblika nia domin bo’ot bele fo nesesidade Baziku iha tempu kuarezma.
“Ha’u agradese no kontente teb-tebes ba ita nia Prezidente Repúblika ne’ebé hadomi ami iha tempu kuarezma bele fo nia apoiu nesesidade baziku mai ami hotu.”
Jornalista : Chay Risky