Loluwari Média (Díli) – Prezidente g7+ Kenyeh Barlay, hatete, membru ativu organizasaun Inter Ministerial g7+ liuhusi Reniaun Minsterial ba dala neen, aprova Resoluasaun ida hodi nomeia, Jose Ramos-Horta, sai nu’udar enviadu Espesial hodi apoiu servisu ba pas atu hametin Lideransa g7+ iha Palku Global.
“Sira nomeia Prezidente Repúblika Timor-Leste, José Ramos-Horta, nu’udar enviadu espesiál ba mediasaun no sira sei husu ba Sekretariu Jeral Nasoens Unidas atu fo apoiu ba nia servisu ba pás no rezolusaun konflitu.”
“Ami konkorda atu konvoka simeira Xefe estadu no governu g7+ nian durante Asembleia Jeral Nasoens Unidas nian hodi habelar ami nia lian koletivu kona-ba dame, seguransa, no dezenvolvimentu iha paisajen jeopolítika ne’ebé muda, ami sei aprofunda envolvimentu ho organizasaun internasionál no rejional sira hodi garante katak estadu sira ne’ebé afetadu husi konflitu sira nafatin iha sentru husi foti desizaun globál sira.” Dehan Presidente g7+ Kenyeh Barlay, ba jornalista sira, iha Hotel Palm Pring Fatuhada Dili. Sabadu (12/04).
Lideransa sira husi g7+ kompromete atu hametin sira nia prezensa no advokasia iha ONU, inklui Konsellu Seguransa ONU nian, no mos iha instituisaun finanseira internasional sira nia laran no banku dezenvolvimentu multilateral sira.
Atu asegura lian sira husi estadu sira ne’ebé afetadu husi konflitu forma politika global sira, kona-ba paz, seguransa no dezenvolvimentu liuhusi advokasia ba enkuadramentu sira ne’ebé inkluzivu, responde, no adapta ba dezafiu uniku sira husi kontestu sira ne’ebé frajil no afetadu husi konflitu.
Tanba ne’e atu halo adosaun paktu ba Futuru husi ONU iha Setembru 2024, ho kompromisiu sira atu halo reforma ba instituisaun multilateral sira liliu, instituisaun finanseira internasional sira, no mos Konsellu Seguransa ONU nian ne’ebé fo prioridade ba reprezentasaun bo’ot liu ba rejiaun sira ne’ebé istorikamente ladun reprezentadu, liuliu Áfrika.
Sekretariu Jeral g+7, Helder da Costa, hatete, ministru sira hotu husi g7+ konkorda ona atu halo pedidu ba ONU hodi nomea, Jose Ramos-Horta, hodi bele halo mediasaun ba konflitu sira ne’ebé akontese iha mundu liliu nasaun sira afetadu ba konflitu.
“Iha ne’e mos ministru sira hotu- hotu konkorda ita halo pedidu ida ba sekretariu jeral ONU, para ita propoin, Doutor Jose Ramos-Horta, nia kualidade hanesan prezidente Republika Timor-Leste, atu sai nu’udar enviadu espesial atu bele halo mediasaun ba konflitu sira ne’ebé akontese iha mundu liu ba pais sira ne’ebé mak afetadu ba konflitu.”
Helder afirma, Timor preparadu iha papel global koba-ba Diplomasia politik iha nivel mundial no mos iha nivel multilateral.
Ministeriu Negosiu Estranjeiru Koperasaun (MNEK), Bendito Feritas, deklara Estadu membru sira propoin proposta ida atu hato’o ba sekretariu jeral ONU, karik bele atu konsidera Doutor Jose Ramos- Horta, bele sai enviadu Espesial ba asuntu nasaun Frajil sira nian.
Sekretariadu ne’e mos hato’o nia apresiasaun ne’ebé mak bo’ot tebes ba guvernu Timor-Leste ne’ebé mak lideradu husi Ministeriu negosiu Estranjeiru no Suporta husi gabinete Vice primeiru Ministru Asuntu Ekonomiku, hodi asegura Susesu Seremonia Reniaun Meinisterial g7+.
Jornalista : Chay Risky