Loluwari Média (Díli) – Padre Parokia, Santo Antonio Motael, Guilhermino da Silva, hatete, domingu ramus Jesus tama iha sidade Jerusalem nu’udar liurai ba roman kreda hodi saran aan ema hedi nia ba kruz.
“Ita haree akontesimentu bo’ot rua ne’ebé ita halo selebrasaun bensa Ramus ne’ebé ita hi’it sae ita nia ramus tahan matak ba Jesus tama Jerusalem hanesan Liurai no ita rona Na’i Jesus nia paisaun ne’ebé roman iha kruz ksolok simu Liurai hosana nabilan hodi hedi nia ba Kruz.” Dehan amu selebrante misa domingu ramus padre Parokia, Santo Antonio Motael, Guilhermino da Silva, ba sarani sira iha igreja Motael, Dili, Domingu (13/04).
Padre Guilhermino, hatete, sarani sira selebra domingu ramus igreja hakarak afirma loloos katak Jesus mak Liurai maibé la’os Liurai mundu nian ne’ebé mai ho forsa politika nian maibé Jesus tama ho nia kuda buru ho sinal haraik an no dame nian.
“Ema sira simu ita Na’i Jesus ho Oliveiras tahan matak simu ho vitoria no esperansa iha tradisaun judeu nian nu’udar sinal bo’ot ida gloria no vitoria nian.”
“Jesus nia vitória la’os tu’ir mundu nia maneira maibé liuhusi terus no kruz ne’ebé todan nune’e Domingu Ramos. Tanba ne’e dalan ba salvasaun la’os dalan ne’ebé kaber no luxu maibé dalan ne’ebé nakonu ho Sakrifísiu no fidelidade.”
“Ohin ita selebra domingu ramus la’os memoriza fali akontesimentu pasadu maibé ita selebra atu hafoun ita nia kompromisiu iha ita nia fiar ba kristu. Haksolok la’os iha momentu diak maibé fiar nafatin iha momentu sira ne’ebé ita tenke lori kruz.”
Sakrifísiu ba atan ne’ebé obedese total ba Aman Maromak nia hakarak tanba Jesus Kristu hanesan ho Maromak maibé nia la hatudu ba Maromak. Maibé nia hakuak metin nia Gloria no nia husik nia an no haraik an ba atan no obedese nafatin to’o mate iha kruz. Tanba ne’e Maromak foti sa’e as liu buat hotu. Ida ne’e hanesan pontu prinsipál husi espiritu salvasaun no moris gloria ba Jesus mosu moris.
“Evanjellu São Lukas haktuir mai ita katak ita reflete Na’i nia terus tanba husi hahalok tribunál nian ne’ebé akontese ba Jesus mak ita foin hatene loloos katak Jesus hanorin ita atu hadomi ema hotu iha momentu sira lori nia pasensia iha momentu sira trata at nia, maibé nia perdua iha momentu ema hedi nia ba Kruz.”
“Ema sira ne’e ita nunka rona sira la’o ho Jesus iha tempu Jesus hala’o nia misaun maibé iha momentu Jesus terus ema sira mosu mai ajuda Jesus, lori kruz no hamo’os Jesus nia kosar ne’ebé suli iha nia ulun no iha oin sira.”
“Iha ne’e ita foin reflete an katak loos duni dala barak ita fo ita nia an ba ema ne’ebé ita hadomi, maibé iha momentu ita terus ema sira ne’e la’o tu’ir sira nia oin no dala ruma sira fila trata fali ita.”
Tanba ne’e maluk sira lalehan mak ita hotu nia objetivu la’os infernu no Purgatoriu tanba ne’e ida-idak rekuñese nia an hodi hakbesik an ba Na’i Maromak liuhusi Jesus Kristu nia mizerikórdia ba ita ida-idak nia an no ba ita nia família no ba ita nia sosiedade.”
Husi Jesus nia kruz Jesus haraik an hasuli grasa no domin nian ba ema sala na’in sira nia laran luak tanba ne’e husu ba ida-idak nia an simu Jesus ho Ramos tahan matak hodi loke hanai nia laran ba nia hodi fiel ba nia ksolok hodi la’o hamutuk ho Jesus iha domingu ramus.
Jornalista : Chay Risky