Loluwari Média (Lautém) – Kapela Nossa Senhora de Graça Daudere nia konstrusaun seidauk atinji pursentu 100 maibé sarani suku Daudere utiliza ona missa iha domingu paskua ne’e.
“Mezmu ita nia kapela seidauk inaugura husi ita nia Amu Bispu, horseik ha’u informa ona amu Bispu liuhusi rezidensia ba Lospalos nune’e, bele missa lai ba paskoa liu tiha obra ne’e kontinua,” dehan padre paroku Lautém, Pascoal Natalino Soares Moniz,SDB, ba loluwari. tl domingu, (13/04).
Amo parokia Natalino, informa sarani Daudere katak liu tiha paskoa sarani sira halibur malu hodi fo hanoin ba malu atu buka fundus nune’e kontinua halo kapela ne’e to’o remata.
“Paskoa liu tiha ita sei enkontru iha ne’e ho autoridade sira komisaun konstrusaun kapela ne’e sarani tomak intelektual sira veteranu, xefe suku xefe aldeia atu fo hanoin ba malu hodi buka tan fundus.”
Amo paroku haktu’ir, Amu Bispu horseik husu tekniku sira halo fali BOQ foun saida mak seidauk, por ezemplu janela, odamatan, plafon, azuleju, ahi, fiu, total hira imi lori ba rezidensia ha’u asina vise primeiru ministru assuntus sosias sivil iha Palacio do Governo. Tanba ne’e komisaun iha ne’e karik tenke halo estimasaun total.
Enkuantu missa domingu ramus ne’e, maske kapela seidauk atinji pursentu 100 (100%) maibe sarani sira nakonu.
Jornalista: Nono