Loluwari Media (Lautém) – sekretariu suku Serelau Acasio da Costa, informa, parte ekipa administrasaun hasoru difikuldade tanba ekipamentu servisu administrasaun komputador avaria nune’e prejudika sira nia servisu iha terrenu.
Sekretáriu suku, Acasio da Costa, informa, komputador tuan ne’ebé sira utiliza hodi atende ba komunidade sira avaria ona no uza fali komputador foun ne’ebé MAE distribui hodi atende komunidade sira. Maske nune’e hasoru difikuldade tanba ekipa servisu suku iha seidauk domina utiliza programa online alende ne’e rede internet ne’ebé sai preokupasaun tanba iha area remotas balu laiha liña internet.
“Difikuldade mak fasilidade sira ne’ebé mak iha momentu ami mai komputador ida de’it no fulan tolu (3) de’it avaria tiha ona nune’e iha tempu agora atendementu ba komunidade presiza halo sira nia dokumentu balu liliu deklarasaun ba óbitu, Billete de Identidade, kartaun eleitoral sira ne’e komputador mak avaria hela nune’e ami utiliza fali foun daudauk ami simu halo ba atendemento ida ne’e”. dehan Sekretáriu suku, Acasio da Costa ba loluwari.tl iha nia kna’ar fatin, sexta (18/04).
Acasio, preokupa komputador ne’ebé mak MAE distribui ba suku ne’e tanba programa sira iha komputer online no offline.
“Preokupasaun ida seluk mak komputador ida foun foin daudauk ami simu ne’e, ami bele utiliza maibé programa ida laran ne’e programa ida ne’ebé mak buat hotu online”.
“Ami nia preokupasaun mak ida ne’e oinsa atu utiliza tanba la iha rede internet atu halo operasaun nune’e iha nasional ne’e bele asesu. Sistema ida iha ne’eba offline mos iha, maibé atu halo deklarasaun ruma lakon rasik, ninia prosesu mak tekniku postu sira seidauk mai halo operasaun ba komputador ne’e atu fasilita ami nune’e ami bele hala’o ami nia servisu no halo operasaun liliu fornese dadus.
“Sira nia prezensa sira servisu ho diak no hakmaan xefe suku nia servisu ne’ebé mak tinan kotuk xefe suku mesak mak halo relatoriu atende ita nia komunidade maibé ho sira nia prezensa buat hotu bele la’o diak
Jeremias esplika, funsinariu na’in 4 ne’ebé servisu iha suku apoiu servisu ba asuntu administrasaun, finansas, sosial iha sekretaria suku hodi hakma’an xefe suku nia servisu maibé menus fasilidade nune’e prejudika ba servisu funsinariu iha suku.
“Ida ne’e mak sai nu’udar preokupasaun ba autoridade lokal suku liliu ba funsinariu suku na’in haat ne’e, tanba iha mandatu anterior ne’ebé mak sira entrega ekipamentu edifisiu nian mak hanesan komputador no printer maibé la sufisiente tanba ne’e ha’u nia mandatu mai ha’u sosa printer bele mos foto kopia atu nune’e bele atende komunidade sira.
Foin daudauk ita nia estadu fo ona komputador ida maibé ida antigu ne’e aat tiha ona foin daudauk ha’u haruka tekniku sira mai hadia maibé ladiak nafatin.
Enkuantu funsinariu na’in haat ne’ebé mak servisu iha suku Serelau mak, Sekretariu suku Acasio da Costa, offisial finansas suku, Emilio Geronimo Ximenes, offisial administrasaun suku, Octavio da Costa, no offisial assuntu social, Juvino Moniz.
Jornalista : Nono