Loluwari Média (Bulgaria) – Prezidente Repúblika (PR), José Ramos-Horta, husu governu Timor-Leste, lutu semana ida ba Lider igreja Katolika, Papa Francisco, ne’ebé hakotu nia jornada moris iha iha tuku 7 liu minutu 35 oras Roma.
“Ha’u husu ba governu Timor-Leste no mos ba povo doben Timor-Leste, atu lutu semana ida ba ita nia lider Mundiál Papa Francisco ne’ebé hakotu nia jornada moris iha Roma.” Dehan Prezidente Repúblika (PR), José Ramos-Horta, ba jornalista loluwari.tl iha Sidade Sofia, Bulgaria. Segunda (21/04).
Xefe Estadu husu governu no povu Timor-Leste atu lutu semana ida no dada Bandeira nu’udar sentidu kondolénsia profunda ba Lider Mundial Papa Francisco ne’ebé hakotu ona nia jornada moris iha Roma.
“Ha’u foin simu informasaun Amu Papa Fransisco hakotu nia jornada moris iha minutu ruma liu ba. Ita Katolika no mos la’os Katolika de’it maibé religiaun hotu-hotu humanidade tomak lakon ita nia Amu Papa Fransisco ne’ebé impaktu klean liu iha historia mundu.”
Xefe Estadu hatete, Papa Fransisco nu’udar papa ida ne’ebé hakuak ema kiak sira no ema kbi’it la’ek sira papa ida ne’ebé la tauk kontra ko’alia nasaun ne’ebé buka funu no buka dame.
“Ita nia amu papa ko’alia mos kontra kona-ba poder sira ne’ebé hanehan ba rai fraku sira no ba intellektual sira.”
Husu ba sarani Timor-Leste hotu atu lembra amu papa Fransisco nia vizita mai Timor-Leste iha Setembru liu ba, no nia liafuan ikus mai ha’u molok nia foti ain husi Timor-Leste ba Roma. Nia hatete mai ha’u dehan tau matan didiak ba povu doben Timor-Leste ida ne’e.
Jornalista : Chay Risky