Loluwari Média (Bulgaria) – Prezidente Repúblika (PR), José Ramos-Horta, hatete, vizita traballu dahuluk iha Bulgaria sai nu’udar istoriku tanba hetan konvite husi Prezidente Bulgaria atu hametin relasaun Bilaterál entre estadu Timor-Leste no Bulgaria hodi diskute assuntu Edukasaun iha area Médisina.
“Iha ami nia enkontru Bilaterál iha Palásiu Prezidensiál Bulgaria ne’e ha’u hato’o ha’u nia agradesimentu kle’an ba Prezidente Repúblika Bulgaria ne’ebé konvida ha’u mai, ohin ami diskute kona-ba oinsa ita nia kooperasaun entre nasaun Timor-Leste ho Bulgaria.” Dehan Prezidente Repúblika (PR), José Ramos-Horta, ba jornalista loluwari.tl iha Palásiu Prezidensiál Bulgaria, tersa (22/04).
Xefe estadu hatete, iha enkontru Bilaterál dahuluk ne’e lider estadu rua diskute postu importante tolu mak atu governu Timor-Leste haruka estudante iha area medisina sira bele mai iha Bulgaria hodi hala’o sira nia estudu espesialidade ba Area Medisina liliu farmasi Eutika.
“Ami ko’alia kona-ba Area Edukasaun liliu ba area medisina iha area farmasi Eutika nian atu nune’e governu Timor bele haruka Timor oan mai hala’o estudu kona-ba area Médisina nian iha Bulgaria.”
Prezidente republika mos diskute kona-ba area Agrikultura liliu Seguransa alimentar, tanba nasaun Bulgaria mos iha agrikultura ne’ebé diak liu no modern.
“Ami mos ohin ko’alia kona-ba Akademia Navál nian, tanba Nasaun Bulgaria nia Akademia Forsa Navál ne’ebé diak tebes no iha kualidade ne’ebé diak tanba ne’e ha’u sei kulia ho ita nia primeiru Ministru (PM) atu bele haree no haruka ekipa ida mai iha ne’e hodi hala’o estudu ida atu nune’e bele hala’o ita nia kooperasaun ne’e diak liu tán iha area ne’e ba futuru.”
Alende ne’e iha Bulgaria nia Téknolojia IT no Artefisial inteligensia ne’ebé diak liu, tanba ne’e interesante tebes ba Prezidente Repúblika Bulgaria husu ba foinsa’e Timor oan bele mai hala’o estudu iha Bulgaria iha area IT.
“Iha ami nia enkontru Bilaterál ne’e ami aseita malu ho interese ne’ebé mutua tebes ba nasaun rua Timor-Leste ho Bulgaria mezmu do’ok maibé vizita historiku ida ne’e bele hametin liu tan ita nia kooperasaun ne’ebé diak liu ba nasaun rua.”
PR mos fahe nia dinámika politika mundu nian nune’e mos Europea hanesan Organizasaun ne’ebé simu Nobel da Páz, tanba ne’e rekomenda husi ha’u hanesan lauriadu Novel da Paz, ba uniaun Europea. Tanba Uniaun Europeia hanesan organizasaun ne’ebé simu Nobel da Páz no mos ba politika rejionál no mos mundiál ba Prezidente Repúblika Bulgaria nian.
Prezidente Bulgaria, Rumen Radev, hatete, iha kooperasaun mutua ne’e estadu rua diskute kona-ba agrikultura, Akademia Forsa Navál no Edukasaun atu halo estudu komparativu iha Bulgaria.
“Ha’u husu ba Prezidente Repúblika Timor-Leste atu rekomenda governu Timor-Leste hodi mai iha ami nia rai hala’o estudu komparativu no mos ba iha Akademia forsa Navál nian ha’u husu ba imi nia ekipa ida bele mai halo asesmentu iha tempu badak.”
Jornalista : Chay Risky