Loluwari Média (Bulgaria) – Prezidente Repúblika (PR), José Ramos-Horta, sei reprezenta Estadu Timor-Leste hodi partisipa iha prosesu Funebre lider maximu igreja katolika, Papa Francisco, iha loron 26, Abril 2025 iha Roma.
“Ha’u sei reprezenta estadu Timor-Leste hodi partisipa Funebre lider Mundial Maktoban Papa Francisco ne’ebé konfirmadu ona iha loron Sabadu 26 Abril 2025 tuku 10 iha Roma.” Dehan Prezidente Repúblika (PR), José Ramos-Horta ba jornalista loluwari.tl, iha Hotel Grand Sofia Bulgaria, tersa (22/04).
Xefe Estadu ho laran triste ba Maktoban Papa Francisco ne’ebé hakotu nia jornada moris iha mundu ida ne’e.
“Tanba ne’e ha’u sei hala’o ha’u nia viajen husi UK iha loron 25 abril, parte loraik no ha’u sei to’o iha Roma kalan bo’ot hodi partisipa Funebre lider Mundial Maktoban Papa Francisco nian iha loron 26 Abril tinan 2025.”
“Papa Francisco hakotu nia jornada moris derepente sai novidade bainhira nia rona nia hakfodak ho laran triste tebes laos ba Igreja de’it maibé ba mundu tomak lakon nia lider Mundial bo’ot no lider Igreja Katolika tanba nia hatudu nia influensia no hatudu nia fé kristaun Katolika ne’ebé forte tebes tanba nia xefe Igreja bainhira Maktoban Papa Francisco hakotu nia jornada moris, mundu hotu sente triste tebes.”
Bainhira Maktoban Papa Francisco hakotu nia iis, mundu tomak Estadu lubuk ida ona inklui Prezidente Amerikanu ne’ebé partisipa iha Funebre lider Mundial Maktoban Papa Francisco nian iha Roma.
Tanba ne’e ha’u sei reprezenta Estadu Timor-Leste hodi partisipa iha Maktoban Papa nia Funebre no hau husu ba sarani hotu iha Timor-Leste nafatin halo orasaun ba ita nia Maktoban Papa Francisco.”
Timor oan la haluha Amu Papa Fransisco ne’ebé hamutuk ho Timor iha Setembru liu ba tanba ne’e mak Timor oan hala’o orasaun iha Tasi tolu sarani rihun ba rihun ne’ebé halo ema hotu triste.
“Bainhira ha’u lembra Maktoban Papa Francisco nia liafuan dehan tau matan didiak ba Povu doben Timor-Leste ida ne’e.
Tanba ne’e Maktoban Papa Francisco, kaer ha’u nia liman hodi dehan nunka ema simu ha’u diak hanesan Povu Timor-Leste hanesan nune’e, tanba iha Timor-Leste mak Maktoban sente povu doben Timor-Leste nia sentimentu ba Maktoban forte no klean loos.”
“Tanba ne’e Timor-Leste lakon bo’ot inklui Mundu lakon bo’ot, tanba iha mundu lakon lider Mundial ne’ebé importante ba mundu, tanba mundu ohin loron hasoru dezafiu no krize Mundial bo’ot tanba rai barak sei iha funu tanba ita nia Maktoban Papa Francisco laiha ona iha ita nia le’et.”
Jornada : Chay Risky