Loluwari Média (Lautém) – Iha kompetisaun halai marathona ne’e Joltan Leonildo Soares, sai primeiru lugar, Jizerson da Silva, okupa segundu lugar no terseiru lugar, Adino Soares.
“Ha’u sente kontente tebes tanba foin primeira vez mai tu’ir kompetisaun halai marathona primeiru lugar iha nivel postu Lautém,” dehan Joltan Leonildo Soares, ba loluwari.tl iha postu Lautém Domingu (18/05).
Leonildo haktu’ir, ho Maromak nia grasa ho nia ís ne’ebé iha ha’u bele hakat ba primeiru lugar husi kompetisaun halai marathona.
Jizerson da Silva, hatete, ha’u forma iha liña segundu halai kilometru 7 sente kolen loos maibé ho Na’i Maromak nia grasa ha’u bele mai to’o iha garis finis ho segundu lugar.
“Kompetisaun halai marathona foin mak tuir dala rua iha postu Lautém.
Prezidente jogu komunitaria, Fernando Cardoso Neves, afirma, orsamentu ne’ebé aloka husi nasional mai iha Postu Lautém ho montante rihun tolu atus lima dollar amerikanu, ($3.500.00).
“Orsamentu total rihun tolu atus lima ($ 3.500.00) ne’e ami uza ba modalidade 4 mak futeboll salaun ka futsal, volleyball feto no mane, Marathona no kalik. Orsamentu ne’e rasik husi MJDAC mak ajuda ne’ebé ajuda ita nia postu Lautém hodi hala’o divertimentu ho modalidade ne’ebé ita nia komunidade nia le’et hodi komemora loron restaurasaun independensia 20 de Maiu 2025 ne’e,” Fernando haktu’ir.
Modalidade Futebol salaun ne’e foin dadauk iha mata-dalan husi nasional mai, ita halo tuir mata-dalan ne’ebé sira hakerek iha ne’eba ona, ne’ebé ami labele muda tun muda sa’e tanba osan husi ne’eba ne’e mata-dalan hakerek ona.
“Ba Futeboll salaun, primeiru lugar iha dua ratus lima puluh dolar (2.50.00) dolar, segundu lugar iha dua ratus (200) dolar, terseiru lugar seratus lima puluh ($150.00). Ba modalidade volleyball primeiru lugar dua ratus ($ 200.00) dolar, segundu lugar seratus lima puluh ($ 150.00) dolar, terseiru lugar seratus ($ 100.00). Ba modalidade altletismu marathona primeiru lugar seratus lima puluh ($ 150.00), segundu lugar seratus ($ 100.00), terseiru lugar tujuh puluh lima ($ 75.00). Ba modalidade ida kalik nian primeiru lugar seratus lima puluh ($ 150.00), segundu lugar seratus ($ 100.00), terseiru lugar tujuh puluh lima ($ 75.00).”
Enkuantu iha kompetisaun halai marathona ne’e joven hamutuk na’in 18 mak partisipa hahu husi area Tenu (Ira-Kuru) re,mata iha postu Lautém, hodi komemora loron restaurasaun independensia 20 de maiu ba dala 23.
Jornalista: Nono