Loluwari Média (Dili) – Prokurador Jeral Repúblika Nelson de Carvalho, apresia servi Polisia Sientifika Investigasaun Kriminal (PCIC) enkoraza PCIC atu oferese Investigasaun kualidade molok submete ba Minsteriu Publiku (MP).
“Hau apresia tebes liliu ba sira nia servisu, ekipamentu ne’ebé mak iha no mos ba diretór rasik, ne’ebé iha kemajuan, entermus de servisu, investigasaun, fornesimentu dadus no faktus, faktus sira ne’ebé relasiona ho evidensia ne’ebé mak iha durante ne’e fornese ba ministeriu publiku. Enkoraza PCIC atu halo Investigasaun ho klean ba kazu ruma molok ba MP ba enkorraja servisu PCIC liliu kona-ba dadus investigasaun ne’ebé fornese ba Ministeriu Publiku ne’e ho diak.” Dehan Prokurador Jeral Republika, Nelson de Carvalho, ba jornalista sira hafoin hala’o vizita iha efisiu PCIC Colmera, kuarta (04/06).
Nia agradese ba konvite husi Diretor PCIC hodi mai vizita PCIC nian fatin hodi haree direita servisu sira investigadór PCIC halo inklui fasilidade ne’ebé agora daudaun PCIC iha ne’ebé apoia servisu.
“Haree ba servisu ne’ebé durante PCIC hala’o no mos ba investigador sira, no material ka ekipamentu ne’ebé durante ne’e PCIC iha, hanesan iha laboratoriu, ezame balestika, DNA no ekipa kona-ba falsifika dokumentu.”
Hafoin observa direita servisu PCIC nune’e PCIC iha duni dezafiu ba Investigasaun, maibé ho vizita ne’e Ministeriu Publiku konsiente katak servisu Investigasaun ne’e la’os buat ne’ebé fasil.
“Durante ha’u hanesan Prokurador Titular ba prosesu mas, haree de’it relatariu ne’ebé husi investigadór fo, mais ohin ha’u mai to’o iha ne’e, afinal da kontas, buat ida ne’e ke la tama iha ita nia ulun, afinal rezultadu ne’e hanesan duni.”
“Hafoin simu tiha pose hanesan Prokurador Jeral Republika, delega kedas kompetensia ba prosesu 433 ba Polisia Sientifika Investigasaun Kriminal atu kontunia halo Investigasaun.
“Total ne’ebé mak ohin ha’u haree ne’e 433, ne’e ba kualidade ne’ebé PCIC simu kazu sira ne’ebé tu’ir sira nia regra ne’ebé iha.”
Diretór (PCIC), Vicente Fernandes Brito, agradese ba PGR, Nelson de Carvalho, hatan pedidu PCIC bele halo vizita ba PCIC.
“Prokurador Jeral Republika, bele haree ho matan kona-ba servisu iha area investigasaun kriminal no servisu iha laboratoriu FORENSIK, tanba ko’alia kona-ba investigasaun ba krime sira ne’ebé organizadu, kompleksu, transnasional, ita presiza rekolla prova ne’e iha bertente rua, ida mak rekolla prova pesoal, ida mak prova material.”
Durante PGR hala’o vizita ba PCIC hodi halo diskusaun kona-ba servisu PCIC liga ho investigsaun ko’alia mos katak iha futuru, PCIC hanesan orgaun Polisia kriminal ne’ebé fo apoiu ba MP no Tribunal atu alkansa susesu investigasaun kriminal nian.
Jornalista : Chay Risky