Loluwari Média (Dili) – Representante kompaña Timor-Plaza, Toni Ze, informa, Timor-Plaza prepara otel kuartu 45 ba membru nasaun CPLP ne’ebé sei partisipa igha jogu CPLP iha Jullu 2025.
Reprezentante Timor-Plaza, Toni Ze, sente orgullu tebes atu apoiu jogu internasinal CPLP ne’ebé sei hala’o iha fulan oin.
“Ha’u gosta desportu no ha’u sempre haree kanál desportu sira iha nivel internasionál no ha’u haree eventu saida de’it, desportu hotu bele la’o, se laiha patrosíniu sira sente ladun furak no susar tebes atu realiza jogu sira ne’e”. Toni Ze hatete.
Tanba ne’e sira deside atu ajuda imprime Kamizola no ba marekting, nune’e bainhira presiza sasan ruma ba marketing iha jogu refere sira mak sei apoiu, no Timor Plaza mós prepara hotel kuartu 45 hodi fo apoiu ba delegasaun husi membru CPLP sira ne’ebé partisipa iha eventu ne’e.
“Ami mos iha otel kuartu 45 ne’ebé ami tau hela atu hola parte mos ba apoiu ba delegasaun membru pais sira ne’ebé sei mai”.
Ministériu Juventude Desportu, Arte no Kultura (MJDAK) asina nota entendimentu (MoU) ba kooperasaun ho Timor Plaza atu sai patrosinador ba jogu internasional CPLP ba dala-12 ne’ebé sei realiza iha Jullu 2025.
Akordu kooperasaun ne’e asina husi Ministru Juventude, Desportu Arte no Kultura (MJDAK), Nelio Isaac Sarmento ho reprezentante Timor Plaza, Toni Ze.
Ministru Juventude Desportu, Arte no Kultura (MJDAK), Nelio Isaac Sarmento, hatete, asina akordu ida tan ho Timor Plaza atu fo susesu ba jogu CPLP.
“Ohin ita hetan tan patrosinador ida ba jogu CPLP, Timor Plaza ne’ebé iha vontade tomak atu hamutuk ho governu hodi fo susesu ba jogu CPLP”. Dehan Ministru Juventude Desportu Arte no Kultura, Nelio Isaac Sarmento, ba jornalista sira, iha MJDAK Lecidere, kinta (12/06).
“Lori governu nia naran agradese ba vontade tomak husi Timor Plaza ne’ebé hakarak atu hola parte iha eventu refere”. Nelio afirma.
“Ho Patrosinador ne’ebé mai tan husi Timor plaza atu fo mensajem mos ba Timoroan sira hotu liliu ba setór privadu sira katak, ita tenke prontu la’os de’it atu sai uma na’in, maibé ita prepara an atu tempu tu’ir ita atu sai membru ba Asean no ita tenke prepara an atu sai uma nain ba eventu sira ne’ebé sei akontese iha ita nia rai”.
Nune’e atu lori Timor-Leste nia naran ba mundu atraveza husi diplomasia desportu nian, ita tenke servisu hamutuk atu lori timor ba mundu.
Jornalista. : Anis