Loluwari Média (Dili) – Provedoria Direitus Humanus no Justisa (PDHJ), Avaliasaun ba implementasaun tinan 5, (2021-2025 no Planu Asaun Nasionál (PAN), Ema Ho Defisiensia (EhD) ba periodu 2021-2030.
Provedoria Direitus Humanus no Justisa (PDHJ), Virgilio da Silva Guterres, hatete, workshop ohin kona-ba planu Asaun Nasionál ba EhD iha tinan lima ne’e hodi fahe ba liñas Ministerial sira rejultadu levantamentu husi PDHJ liuhusi unidade analiza dezenvolvimentu legal administrativa ba ministeriu 11 no grupu alvu sira.
“Ha’u hanoin ida ne’e maka objetivu loloos workshop ida ohin kolónia ida ohin ne’e atu fahe ba públiku liuhusi entidades sira ne’ebé mak ami konvida mai iha ne’e liñas Ministeriais representante husi sosiedade sivil no los grupu sira seluk mai iha ne’e atu ami fahe tutan ba rejultadu levantamentu ne’ebé ke PDHJ halo liuhusi unidade whatsapp, unidade analiza dezenvolvimentu legal administrativu ba ministeriu sanulu resin ida (11) i mós ho públiku ho alvu sira grupu alvu sira”, dehan Provedor, Virgilio da Silva Guterres, iha salaun katedral, segunda (16/06).
Virgilio haktuir, dezafiu ne’ebé hetan husi Ema Ho Defisiensia sira ne’ebé kontinua lamenta inkonsistensia ba estadu no governu kona-ba prinsipiu inkluzividade no dezenvolvimentu espasu públiku kona-ba estrada seidauk asesu ba EhD sira.
“Orsida sira sei hatene maibé iha buat balu ne’ebé mak ami hakarak foti katak dezafius sira ne’ebé ami hetan maka ita nia maluk sira Defisiensia kontinua lamenta kona-ba inkonsistensia ita nia estadu governu ninian kona-ba prinsipiu inkluzividade iha ita haree iha Dili purezemplu dezenvolvimentu ba estrada espasu públiku sira seidauk konsidera asesu ba iha maluk sira ho Defisiensia iha administrasaun públika ita haree katak promosaun opurtunidade ba ema ho defisiensia sei minimu, tanba ne’e mak ita haree iha mensagen barak husi entidades públika sira ne’e ba de’it ema la ho defisiensia maibé ema ho defisiensia mensagen sira ne’e seidauk to’o tanba laiha língua jestual entaun ida ne’e lamentasaun ida ne’ebé ami hetan”.
Ema Ho Defisiensia (EhD) lamenta ho espasu públiku no estrada iha liñas ministerial liliu administrativu sira ne’ebé fo atendimentu ba sira la ho inklusivu, tanba EhD mós iha direitu ba asesu administrativu no dezenvolvimentu asesu públiku.
“Ohin ha’u temi tiha ona, sira lamenta tanba dezenvolvimentu sira ne’e nia konseitu kona-ba inkluzaun ne’e sei menus, hanesan ohin invez ita mak lori servisu ne’e ba ema ho defisiensia maibé ita obriga sira tenke mai partisipa”.
Jornalista : Anis