Loluwari Média (Dili) – Cruz Vermelha Timor-Leste (CVTL), selebra nia aniversariu ba dala 25 no atividade Stand ne’ebé durante CVTL eziste iha Timor-Leste, voluntariamente ba parseiru sira ne’ebé husu apoiu ba sira.
Sekretáriu jerál interinu CVTL, Agapito da Silva, hatete, relasiona ho Cruz Vermelha Timor-Leste (CVTL) nia ezistensia iha Timor-Leste sei monu iha loron 22 juñu 2025, ba dala 25 ona, tanba ne’e iha atividade lubuk ida husi CVTL realiza bazeia ba kooperasaun ne’ebé servisu hamutuk ho parseiru sira ne’ebé iha Timor-Leste no internasionál sira.
“CVTL nia ezistensia hahu no to’o agora tinan rua nulu resin lima (2025) ona, ne’ebé maka ita hotu hatene, iha atividade lubuk ida ne’ebé maka durante ne’e CVTL, realiza primeiru atividade sira ne’e ita realiza bazeia ba ita nia kooperasaun no mós servisu hamutuk ho parseiru hotu tantu espesial primeiru ba ita nia governu ho ita nia parseiru nasionál no internasionál, iha ita nia rai parseiru movimentu sira ita iha ICRS, IFRS, no mós parseiru sosiedade nasionál sira ne’ebé mak durante ne’e iha programa lubuk ida ne’ebé mak CVTL realiza liu husi voluntarizmu” Dehan Sekretáriu jerál interinu, Agapito da Silva, iha CVTL Formoza, Dili, Tersa (17/06).
Alende ne’e programa ne’ebé CVTL, lori mak programa saúde, resposta emerjensia, primeiru sokorus, Bee saneamentu, redusaun risku dezastre, Juventude no reunifikasaun familia, programa sira ne’e kooperasaun ho parseiru sira no governu Timor-Leste.
“Iha programa sira ne’e mak programa saúde, programa resposta emerjensia iha programa primeiru sokorus Bee saneamentu redusaun risku dezastre Juventude no mós reunifikasaun familia programa sira ne’e mak durante ne’e ita hala’o ne’e ita servisu hamutuk koopera ho ita nia parseiru sira no mós ita nia governu rasik”.
Entretantu susesu Cruz Vermelha Timor-Leste (CVTL) hetan no CVTL hahu laiha kondisaun fatin fasilidade ne’ebé limitadu tebes, maibé durante nia eziste iha Timor-Leste ba dala 25 ne’ebé iha ona fatin hodi halo servisu no iha transporte hodi fasilita nune’e hala’o ona servisu no programa ne’ebé iha.
“Susesu ne’ebé CVTL hetan, CVTL hahu ho buat ne’ebé mak laiha kondisoens intermus kondisoens fasilidade iha limitasaun teb-tebes mais ohin loron ita haree pelu menus kondisoens ita iha ona fatin servisu.
“Ita iha ona fasilidade hanesan transporte ne’ebé mak atu bele apoiu servisu sira ne’ebé mak iha alende ida ne’e mós ita iha exibisaun sira programa sira ne’ebé mak iha ne’ebá sira mós hatudu rekursu sira ne’ebé maka atual ita iha ida ne’e faz parte husi progresu ne’ebé maka CVTL hasoru.”
Maske iha progresu, maibé iha dezafiu barak konserteza dezafiu ita haree liliu kona-ba dezafiu ne’e kapasidade rekursu humanu ita haree mós kona-ba liliu dezafiu sira ne’ebé maka dezafiu bele hetan apoiu finanseiru, dezafiu atu bele halo investimentu iha ita nia rai.
CVTL liuhusi atividade buka rasik osan não ser ita durante ne’e ita depende ba doador de’it, ita depende ba doador maibé loron ida doador sei husik, tanba ne’e dezafiu ida mak sustentabilidade finanseiru ha’u hanoin ida ne’e faz parte ida ne’ebé maka presiza atu haree.
Jornalista : Anis