Loluwari Média (Dili) – Ministra Saúde (MS), Elia dos Reis Amaral, hatete, Virus Raivas husi asu nia kabeen suli ne’ebé ministeriu saúde hamutuk ho ministeriu agrikultura no ministeriu administrasaun Estatal hala’o komisaun konjunta maibé Timor-Leste iha ona kazu ema na’in 4 lakon vida no 1.000.00 ital hetan vasina
“Moras Raivas ne’e Virus husi asu, asu ne’ebé maka transporta nia moras ne’e ou nia Virus ne’e husi nia saliva husi nia kabén, entaun saida mak ita halo iha ne’ebá ita tinan kotuk kedas ministeriu agrikultura ho ministeriu saúde ho mós ministeriu administrasaun Estatal ita halo kolaborasaun konjunta tiha ona komisaun hala’o tiha ona entaun ita hatene katak ita iha ona pur volta tres semanas.
“Ha’u simu relatoriu hatete katak ita iha pur volta 4 ne’ebé maka lakon vida depois ita iha mill ital ne’ebé maka hetan vasina. Karik sira iha kontaktu asu tata, asu tata la’ós signifika katak asu ne’e Raivas”. dehan Ministra Saúde (MS), Elia dos Reis Amaral, iha Palacio do governu, Kuarta (25/06).
Alende ne’e Virus Raivas husi asu pozitivu hamutuk 88 ne’ebé kuaze akontese iha fronteira liliu iha Rejiaun Administrativu Espesial Oecusse Ambeno (RAEOA), munisípiu Bobonaro inklui munisípiu Ermera.
Enatun iha mós asu Raiva ne’ebé maka nia pozitivu iha tres semana a tras, ita iha oitenta e oitu asu pozitivu Raiva iha ne’e barak liu iha fronteira sira, entaun saida mak ita halo, daudaun iha parte fronteira hotu-hotu liliu Oe-cusse, Suai, Maliana no mós tama to’o Ermera”.
Entretantu kazu asu tata ne’ebé moras Raivas, ne’e la’ós kazu orijinál maibé kauza husi kazu transportadu hodi hada’et ba asu nune’e akontese moras Raiva iha Timor-Leste.
Jornalista. : Anis